କୁଆଲାଲମ୍ପୁର,୧୭।୯: ମୁସଲମାନ୍ ଧର୍ମଗୁରୁ ଜାକିର ନାଇକଙ୍କ ପ୍ରତ୍ୟର୍ପଣ ନେଇ ମାଲେସିୟା ପ୍ରଧାନମନ୍ତ୍ରୀ ମୋହାଥିର ବିନ୍ ମହମ୍ମଦ୍ଙ୍କ ମନ୍ତବ୍ୟ ଏବେ ଅନ୍ତର୍ଜାତୀୟସ୍ତର ସହିତ ଭାରତରେ ବିବାଦ ସୃଷ୍ଟି କରିଛି। ସେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାକିର ନାଇକଙ୍କ ପ୍ରତ୍ୟର୍ପଣ ନେଇ କୌଣସି ଦାବି କରି ନାହାଁନ୍ତି। ବିଭିନ୍ନ ସମସ୍ୟା ସୃଷ୍ଟି କରୁଥିବାରୁ ଜାକିରଙ୍କୁ କୌଣସି ଦେଶ ଶରଣ ଦେବାକୁ ଚାହୁଁ ନାହାନ୍ତି। ଏପରିସ୍ଥଳେ ତାଙ୍କୁ ମାଲେସିୟାରୁ ଭାରତକୁ ପଠାଇବା ଲାଗି ମୋଦିଙ୍କ ସହିତ ଆଲୋଚନା ହୋଇ ନ ଥିବା ମୋହଥିର୍ କହିଛନ୍ତି। ଜାକିର ମାଲେସିୟାର ନାଗରିକ ନ ଥିଲେ ମଧ୍ୟ ପୂର୍ବ ସରକାର ତାଙ୍କୁ ଏଠାରେ ସ୍ଥାୟୀ ଭାବେ ବସବାସ କରିବା ଲାଗି ସ୍ବୀକୃତି ଦେଇଥିଲେ। ମାତ୍ର ଦେଶର ଅର୍ଥବ୍ୟବସ୍ଥା କିମ୍ବା ରାଜନୈତିକ ସ୍ଥିତି ଉପରେ କୌଣସି ମନ୍ତବ୍ୟ ଦେବାର ଅଧିକାର ତାଙ୍କର ନାହିଁ। ତେବେ ସେ ଏହାର ଉଲ୍ଲଂଘନ କରିଥିବା ମୋହାଥିର୍ କହିଛନ୍ତି।
