ବିଶାଖାପାଟଣା,୪।୧୦: ଏଠାରେ ଦକ୍ଷିଣ ଆଫ୍ରିକା ବିପକ୍ଷରେ ଚାଲିଥିବା ପ୍ରଥମ ଟେଷ୍ଟରେ ଭାରତୀୟ ଦଳର ଷ୍ଟାର ଅଲରାଉଣ୍ଡ ରବୀନ୍ଦ୍ର ଜାଡେଜା ଏକ ସ୍ବତନ୍ତ୍ର ରେକର୍ଡ ଅଧିକାରୀ ହୋଇଛନ୍ତି। ମ୍ୟାଚ୍ର ୩ୟ ଦିନ ତଥା ଶୁକ୍ରବାର ଜାଡେଜା ଟେଷ୍ଟ କ୍ୟାରିୟରର ୨୦୦ତମ ଉଇକେଟ ନେଇଛନ୍ତି। ଦକ୍ଷିଣ ଆଫ୍ରିକାର ଶତକ ହାସଲ କରି ଖେଳୁଥିବା ବ୍ୟାଟ୍ସମ୍ୟାନ ଡିନ ଏଲଗାର(୧୬୦)ଙ୍କୁ ଚେତେଶ୍ୱର ପୂଜାରାଙ୍କ ହାତରେ କ୍ୟାଚ୍ ଆଉଟ୍ କରାଇ ଜାଡେଜା ଏହି ସଫଳତା ପାଇଛନ୍ତି। ୨୦୦ ଟେଷ୍ଟ ଉଇକେଟ ହାତେଇବାରେ ଜାଡେଜା ବିଶ୍ୱର ଦ୍ରୁତତମ ବାମହାତୀ ବୋଲର। ସେ କ୍ୟାରିୟରର ୪୪ତମ ଟେଷ୍ଟରେ ଏହି ମାଇଲଷ୍ଟୋନକୁ ସ୍ପର୍ଶ କରିଛନ୍ତି। ତାଙ୍କ ପୂର୍ବରୁ ପୂର୍ବତନ ଶ୍ରୀଲଙ୍କାର ବାମହାତୀ ସ୍ପିନର ରଙ୍ଗନା ହେରାଥଙ୍କ ନାମରେ ଏହି ରେକର୍ଡ ଥିଲା। ସେ ୪୭ ତମ ମ୍ୟାଚ୍ରେ ଏହି ସଫଳତା ପାଇଥିଲେ। ତାଙ୍କ ବ୍ୟତୀତ ଅଷ୍ଟ୍ରେଲିଆର ମିଚେଲ ଜନଶନ (୪୯), ମିଚେଲ ଷ୍ଟାର୍କ (୫୦), ବିଶନ ସିଂ ବେଦି ଓ ଓ୍ବାସିମ ଆକ୍ରମ (୫୧)ଙ୍କ ଭଳି ପୂର୍ବତନ ବୋଲର ରହିଛନ୍ତି।