ନ୍ୟାୟାଳୟଙ୍କ ନିର୍ଦ୍ଦେଶାନୁଯାୟୀ ଜଘନ୍ୟ ଅପରାଧୀଙ୍କୁ ଫାଶୀଖୁଣ୍ଟରେ ଝୁଲାଇ ଦିଆଯାଇଥାଏ। ମାତ୍ର ଫାଶୀ ପରେ ଏହି ଦଉଡ଼ି କେଉଁ କାମରେ ବ୍ୟବହାର କରାଯାଇଥାଏ ହୁଏତ ଅଧିକାଂଶ ଜାଣି ନ ଥିବେ। ଜାଣନ୍ତୁ ଏ ସମ୍ପର୍କରେ…
ଏହି ଦଉଡ଼ିକୁ ନେଇ ଅନେକ ଅନ୍ଧବିଶ୍ୱାସ ରହିଛି। ଯଦି ବ୍ରିଟେନ୍ କଥା କହିବା ତେବେ ଏଠାରେ ଦୋଷୀଙ୍କୁ ଫାଶୀ ଦିଆଯିବା ପରେ ଉକ୍ତ ଦଉଡ଼ିକୁ ଜହ୍ଲାଦ (ଫାଶୀ ଦେଉଥିବା ବ୍ୟକ୍ତି)ଙ୍କୁ ଦିଆଯାଇଥାଏ। କିଛି ଲୋକ ସୁଖସମୃଦ୍ଧି ବୃଦ୍ଧି ପାଇଁ ଦଉଡ଼ିର ଛୋଟଖଣ୍ଡକୁ ନେଇ ଘରେ ରଖିଥାନ୍ତି। ଭାଗ୍ୟ ଅନୁକୂଳ ପାଇଁ କିଛି ଲୋକ ଏହାକୁ ଲକେଟ୍ କରି ମଧ୍ୟ ପିନ୍ଧିଥାନ୍ତି। ଇତିହାସରେ ଉଲ୍ଲେଖ ଅଛି, ବ୍ରିଟେନ୍ର ଜହ୍ଲାଦ ଏହି ଦଉଡ଼ିକୁ ନେଇଥାନ୍ତି। ତେବେ ୧୯୬୫ରୁ ବ୍ରିଟେନ୍ରେ ଫାଶୀଦଣ୍ଡାଦେଶ ଉପରେ ରୋକ ଲଗାଯାଇଛି। ଆଉ କିଛି ଦେଶରେ ଏହି ଦଉଡ଼ିକୁ ଛୋଟଖଣ୍ଡ କରାଯାଇ କାରାଗାରର ଓ୍ବାର୍ଡରମାନଙ୍କୁ ଦିଆଯାଇଥାଏ।
ସେହିପରି ଭାରତରେ ମଧ୍ୟ ଫାଶୀ ଦଉଡ଼ିକୁ ଜହ୍ଲାଦଙ୍କୁ ଦିଆଯାଇଥାଏ। ୨୦୦୪ରେ ନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ନଟ ମଲ୍ଲିକ ବଳାତ୍କାର ଏବଂ ହତ୍ୟା ଅଭିଯୋଗରେ ଅଭିଯୁକ୍ତ ଧନଞ୍ଜୟ ଚାଟାର୍ଜୀଙ୍କୁ ଫାଶୀଖୁଣ୍ଡରେ ଝୁଲାଇଥିଲେ। ସେତେବେଳେ ଚାକିରି ଆଶାୟୀ, କ୍ଷତିଗ୍ରସ୍ତ ବ୍ୟବସାୟୀମାନେ ମଧ୍ୟ ଏହି ଦଉଡ଼ି ଖଣ୍ଡକୁ ନେବା ପାଇଁ ନଟଙ୍କ ଘର ସମ୍ମୁଖରେ ଭିଡ଼ ଜମାଇଥିଲେ।