ବିଶ୍ୱରେ ଏମିତି କିଛି ସ୍ଥାନ ରହିଛି, ଯାହା ସମ୍ପର୍କରେ ଜାଣିଲେ ଅବିଶ୍ୱସନୀୟ ଲାଗିବ। ମାତ୍ର ଏପରି ଏକ ଚମତ୍କାରୀ ସ୍ଥାନ ରହିଛି ଛତିଶଗଡ଼ରେ। ଏଠାରେ ଛତିଶଗଡ଼ର ଏକ ସୂଚନା ବୋର୍ଡ ମଧ୍ୟ ଲଗାଯାଇଛି। ଯେଉଁଥିରେ ଲେଖା ହୋଇଛି, ଏଠାରେ ଧରିତ୍ରୀ ବା ପୃଥିବୀ ଦୋହଲିଥାଏ। ଏହି ସ୍ଥାନରେ ଡେଇଁଲେ ପୃଥିବୀ ହଲିଯିବ ଏବଂ ଜୀବନର ଆନନ୍ଦ ଉଠାଇ ପାରିବେ। ଏହି ସ୍ଥାନରେ ଏପରି କାହିଁକି ହୁଏ ସେନେଇ ବୈଜ୍ଞାନିକମାନେ ଭିନ୍ନ ଭିନ୍ନ ମତ ପୋଷଣ କରନ୍ତି।
ସ୍ଥାନୀୟ ଲୋକେ କୁହନ୍ତି, ଏକଦା ଏଠାରେ ଏକ ଜଳସ୍ରୋତ ଥିଲା । ଯାହା ଏବେ ଶୁଖିଯାଇଛି। ମାତ୍ର ଭିତର ମାଟି ପୂରା ନରମ। ଫଳରେ ଏପରି ହୋଇଥାଏ ବୋଲି ଅନୁମାନ କରାଯାଉଛି।
ବୈଜ୍ଞାନିକମାନେ କୁହନ୍ତି, ଏହାର ଭିତର ଅଂଶରେ ଥିବା ଖାଲିସ୍ଥାନରେ ପାଣି ଭରି ରହିଛି। ଫଳରେ ଏହା ଉପରେ ଡେଇଁଲେ ସ୍ଥାନଟି ଦବି ଯାଇ ହଲିବା ପରି ଅନୁଭବ ହୁଏ। ଏହି ସ୍ଥାନ ଏବେ ପର୍ଯ୍ୟଟନ କ୍ଷେତ୍ର ଭାବେ ପରିଗଣିତ। କିଛି ଲୋକ ମଜା ଉଠାଇବା ପାଇଁ ଏଠାକୁ ଆସିଥାନ୍ତି। ଏଠାରେ ଏକ ସୁନ୍ଦର ଝରଣା ଥିବାରୁ ଏହାର ପରିବେଶ ଅତ୍ୟନ୍ତ ଥଣ୍ଡା ରହିଥାଏ। ଯାହା ଲୋକଙ୍କୁ ଖୁବ୍ ଆନନ୍ଦ ଦିଏ।