ବ୍ରହ୍ମପୁର ଅଫିସ,୭ା୬-ଗଞ୍ଜାମ ଜିଲା ହିଞ୍ଜିଳିକାଟୁର କଳା ଓ ନୃତ୍ୟ ଅନୁଷ୍ଠାନ ନୃତ୍ୟମର ମୁଖ୍ୟ କୃଷ୍ଣଚନ୍ଦ୍ର ସାହୁଙ୍କ ନିର୍ଦ୍ଦେଶିତ କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର ‘ଅଭିଳାଷ’ ଜାତୀୟସ୍ତରର ଫିଲ୍ମ ଫେଷ୍ଟିଭାଲ ପାଇଁ ମନୋନିତ ହୋଇଛି। କରୋନା ମୁକବିଲା ନେଇ ଘୋଷିତ ଲାକଡାଉନ ସଚେତନତା ବାର୍ତ୍ତା ଉପରେ ଆଧାରିତ ଏହି କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ରଟି ବେଙ୍ଗାଲ ଲକ ଡାଉନ ଅନ ଲାଇନ ଫେଷ୍ଟିଭାଲରେ ଅଂଶଗ୍ରହଣ କରିଥିଲା। ଫେଷ୍ଟିଭାଲରେ ଚଳଚ୍ଚିତ୍ରଟି ଅନ ଲାଇନ ସ୍କ୍ରିନିଂ ହୋଇଥିଲା। ସେଥିରେ ଏହି ଚଳଚ୍ଚିତ୍ରଟି ଜାତୀୟସ୍ତର ଫିଲ୍ମ ଫେଷ୍ଟିଭାଲକୁ ମନୋନୀତ ହୋଇଛି। ଏଥିରେ ନୃତ୍ୟମ ଅନୁଷ୍ଠାନର ଛାତ୍ର ଶିବାଜୀ ଦାସ ମୁଖ୍ୟ ଭୂମିକାରେ ଅଭିନୟ କରିଥିବାବେଳେ ରଞ୍ଜନ କୁମାର ସାହୁ ଚଳଚ୍ଚିତ୍ରଟିର ସହକାରୀ ନିଦ୍ଦେର୍ର୍ଶନା ଦେଇଛନ୍ତି। ଅନ୍ୟମାନଙ୍କ ମଧ୍ୟରେ କ୍ୟାମେର ମ୍ୟାନ ଭାବେ ଟି. ଶ୍ରୀନିବାସ ଦାସଙ୍କ ସମେତ ରବି ସାହୁ, ଗୋପାଳ ମହାନ୍ତି, ସୋମନାଥ ବେହେରା, ପ୍ରଭାତ କୁମାର ମହାରଣା, ଚିମନ ସାହୁ, କେଶବ ମହାରଣା ପ୍ରମୁଖ ବିଭିନ୍ନ କ୍ଷେତ୍ରରେ ସହଯୋଗ କରିଛନ୍ତି। ଚଳଚ୍ଚିତ୍ରଟି ସମ୍ପୂର୍ଣ୍ଣ ଭାବେ ହିଞ୍ଜିଳିକାଟୁ ଅଞ୍ଚଳରେ ନିର୍ମାଣ କରାଯାଇଥିବାବେଳେ ଚଳଚ୍ଚିତ୍ରଟି ଜାତୀୟସ୍ତରୀୟ ପୁରସ୍କାର ପାଇବା ନେଇ ନିର୍ଦ୍ଦେଶକ ସାହୁ ଆଶା ପୋଷଣ କରିଛନ୍ତି।