ବିଶାଖାପାଟଣା,୪ା୨: ଭାରତୀୟ କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ପାରାଲିମ୍ପିକ୍ କମିଟିକୁ ବାସନ୍ଦ କରାଯିବା ପରେ ଭାରତରେ ହେବାକୁ ଥିବା ପାରା ଶୁଟିଂ ବିଶ୍ୱକପର ଆୟୋଜନକୁ ନେଇ ଏବେ ସଙ୍କଟ ଦେଖାଦେଇଛି।
ଠିକ୍ ସମୟରେ ନିର୍ବାଚନ ନ ହେବା କାରଣରୁ ଶନିବାର କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ଜାତୀୟ ପାରାଲିମ୍ପିକ୍ କମିଟିକୁ ବାସନ୍ଦ କରାଯାଇଥିଲା। ମାର୍ଚ୍ଚ ୬-୧୫ ମଧ୍ୟରେ କାର୍ନି ସିଂ ଶୁଟିଂ ରେଞ୍ଜରେ ଶୁଟିଂ ବିଶ୍ୱକପ ହେବାର କାର୍ଯ୍ୟକ୍ରମ ରହିଥିଲା। ଟୁର୍ନାମେଣ୍ଟରେ ୨୪ ପାରାଲିମ୍ପିକ୍ସ କୋଟା ମଧ୍ୟ ସାମିଲ ଥିଲା। ୫୨ ଦେଶର ୫୦୦ରୁ ଅଧିକ ଶୁଟର ଏହି ଟୁର୍ନାମେଣ୍ଟରେ ଅଂଶଗ୍ରହଣ କରିବେ। ନୂତନ କାର୍ଯ୍ୟକାରୀ କମିଟି ଗଠନ ପରେ ଟୁର୍ନାମେଣ୍ଟ ଆୟୋଜନ ହୋଇପାରିବ ବୋଲି କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରି ଦିଆଯାଇଛି।