ଭୁବନେଶ୍ୱର, ୨୨।୧୧(କ୍ରୀଡ଼ା ପ୍ରତିନିଧି)- ଚଳିତମାସ ୨୪ରୁ ୨୭ ପର୍ଯ୍ୟନ୍ତ ଦିଲ୍ଲୀଠାରେ ହେବାକୁଥିବା ଜାତୀୟ ବେଞ୍ଚ୍ପ୍ରେସ୍ ପ୍ରତିଯୋଗିତା ପାଇଁ ଗୁରୁବାର ୯ ଜଣିଆ ଓଡ଼ିଶା ଦଳ ଘୋଷିତ ହୋଇଛି। ବାଦଲ ବେହେରା ଓ ଦିବାକର ଗୋଚ୍ଛାୟତ ଜୁନିୟର ବିଭାଗ, ରାକେଶ କୁମାର ଶତପଥି ଓ ସୂର୍ଯ୍ୟକାନ୍ତ ପ୍ରଧାନ ସିନିୟର ଏବଂ ସୁଜିତ କୁମାର ଗିରି, ନାରାୟଣ ସେଠୀ, ବିଜୟ ଚକ୍ରବର୍ତ୍ତୀ ଓ ଧନପତି ନାଏକ ମାଷ୍ଟର୍ସ ବିଭାଗରେ ସ୍ଥାନ ପାଇଥିବାବେଳେ କୋଚ୍ ଓ ମ୍ୟାନେଜର ଦାୟିତ୍ୱ ତୁଲାଇବେ ଶକ୍ତିରଞ୍ଜନ ବାରିକ। ଓଡ଼ିଶା ଦଳ ଗୁରୁବାର ଦିଲ୍ଲୀ ଯାତ୍ରା କରିଛି। ଓଡ଼ିଶା ଶକ୍ତିଉତ୍ତୋଳନ ସଂଘର ସଭାପତି କଲିକେଶ ନାରାୟଣ ସିଂଦେଓ, ଉପସଭାପତି ହରିପ୍ରସାଦ ପଟ୍ଟନାୟକ, କୋଷାଧ୍ୟକ୍ଷ ଦେବାଶିଷ ଆଚାର୍ଯ୍ୟ ଓ ସମ୍ପାଦକ ଚିତ୍ତରଞ୍ଜନ ସ୍ବାଇଁ ପ୍ରତିଯୋଗୀଙ୍କୁ ଶୁଭେଚ୍ଛା ଜଣାଇଛନ୍ତି।