କାରାଇକୁଡି, ୨୭ା୭ (ପି.ଟି.)- ଗତଥରର ଚମ୍ପିୟନ ତଥା ଏୟାର ଇଣ୍ଡିଆର ଭକ୍ତି କୁଲକର୍ନୀ ଏଠାରେ ଚାଲିଥିବା ୪୬ତମ ଜାତୀୟ ମହିଳା ଚେସ୍ ଚାମ୍ପିୟନଶିପ୍ରେ ତାଙ୍କ ଟାଇଟଲ ବଜାୟ ରଖିଛନ୍ତି। ପ୍ରତିଯୋଗିତାରେ ପ୍ରଭାବୀ ପ୍ରଦର୍ଶନ କରିବା ସହ ୧୧ରାଉଣ୍ଡ ଖେଳରୁ ୧୦ ପଏଣ୍ଟ ଅର୍ଜନ କରିଥିଲେ। ଫାଇନାଲ ରାଉଣ୍ଡରେ ସେ ଆନ୍ଧ୍ର ପ୍ରଦେଶର ମହିଳା ଇଣ୍ଟରନ୍ୟାଶନାଲ ମାଷ୍ଟର ପ୍ରତ୍ୟୁଶା ବୋଡାଙ୍କ ସହ ତାଙ୍କ ଗେମ୍ ଡ୍ର ରଖିଥିଲେ। ଟାଇଟଲ ଜିତିବା ଦ୍ୱାରା ମହିଳା ଗ୍ରାଣ୍ଡମାଷ୍ଟର କୁଲକର୍ନୀ ପୁରସ୍କାର ବାବଦରେ ୪ ଲକ୍ଷ ଟଙ୍କା ପକେଟସ୍ଥ କରିଛନ୍ତି। ଏହାଛଡ଼ା ସେ ୮.୫ ପଏଣ୍ଟ ହାସଲ କରିଛନ୍ତି। ଦିଲ୍ଲୀର ଭନ୍ତିକା ଅଗ୍ରଓ୍ବାଲ ଫାଇନାଲ ରାଉଣ୍ଡରେ ମହାରାଷ୍ଟ୍ରର ମୃଦୁଲ ଦେହାନ୍କରଙ୍କ ସହିତ ପଏଣ୍ଟ ବଣ୍ଟୁଆରା କରିବା ସହ ପ୍ରଥମ ରନର୍ସଅପ୍ ହୋଇଛନ୍ତି। ତୃତୀୟ ସିଡ୍ ତଥା ମହାରାଷ୍ଟ୍ରର ଦିବ୍ୟା ଦେଶମୁଖ ତାମିଲନାଡୁର ପି.ଭି. ନନ୍ଧିଧାଙ୍କୁ ପରାସ୍ତ କରି ଭନ୍ତିକାଙ୍କ ସହ ସମାନ ପଏଣ୍ଟ ଅର୍ଜନ କରିଥିଲେ ମଧ୍ୟ ବ୍ରେକ୍ ସ୍କୋର ଭିତ୍ତିରେ ଦ୍ୱିତୀୟ ରନର୍ସଅପ୍ ପୋଜିଶନ ହାସଲ କରିଛନ୍ତି। ଭନ୍ତିକା ପୁରସ୍କାର ବାବଦରେ ୩ ଲକ୍ଷ ଟଙ୍କା ପାଇଥିବାବେଳେ ଦିବ୍ୟା ୨ଲକ୍ଷ ଟଙ୍କା ପାଇଛନ୍ତି।