ଯଁ।ଳା/ଜଟଣୀ,୧।୧୧(ଡି.ଏନ.ଏ.) : ୧୬ ନଂ. ଜାତୀୟ ରାଜପଥରେ ପଥଚାରୀଙ୍କଠାରୁ ଲୁଟ୍ପାଟ୍ କରୁଥିବା ଗୋଟିଏ ଗ୍ୟାଙ୍ଗର ଦୁଇ ଅଭିଯୁକ୍ତଙ୍କୁ ଜଟଣୀ ଥାନା ପୋଲିସ ଗିରଫ କରି ଶୁକ୍ରବାର କୋର୍ଟଚାଲାଣ କରିଛି। ଗିରଫ ଦୁଇଜଣ ହେଲେ ଖଣ୍ଡଗିରି ଥାନା ଅନ୍ତର୍ଗତ ବରମୁଣ୍ଡା ଅଞ୍ଚଳର ଜିତୁ ଓରଫ ଜିତେନ୍ଦ୍ର ସାହୁ ଓ ବରବାରି ଅଞ୍ଚଳର ବାପୁନି ଓରଫ ବିକାଶ ରାୟ। ସେମାନଙ୍କଠାରୁ ୧୧ଟି ମୋବାଇଲ, ୨ଟି ବାଇକ୍ ଜବତ କରାଯାଇଛି। ଅଭିଯୁକ୍ତମାନେ ସେପ୍ଟେମ୍ବର ୧୮ରେ ଜାତୀୟ ରାଜପଥର ଯଁାଳା ଫାଣ୍ଡି ଅନ୍ତର୍ଗତ ଗଙ୍ଗପଡ଼ା ଟୋଲ୍ଗେଟ ନିକଟରେ ଖୋର୍ଦ୍ଧା ମେଡିକାଲରେ କାର୍ଯ୍ୟରତ ଡା. ଦେବାଶିଷ ପଟ୍ଟନାୟକଙ୍କଠାରୁ ମୋବାଇଲ୍ ଲୁଟି ନେଇଥିଲେ। ଦେବାଶିଷ ଭୁବନେଶ୍ୱରରୁ ଖୋର୍ଦ୍ଧା ମେଡିକାଲକୁ ଯାଉଥିବା ବେଳେ ଏହି ଲୁଟ୍ ହୋଇଥିବା ଅଭିଯୋଗ ହୋଇଥିଲା। ଏହି ଅଭିଯୋଗକୁ ଭିତ୍ତିକରି ପୋଲିସ ତନାଘନା କରୁଥିବା ବେଳେ ଖଣ୍ଡଗିରି ଥାନା ତପୋବନ ଅଞ୍ଚଳରେ ଚୋରା ମୋବାଇଲ୍ କିଣାବିକା ହେଉଥିବା ବିଶେଷ ସୂତ୍ରରୁ ଖବରପାଇ ପୋଲିସ ଚଢ଼ାଉ କରି ଉପରୋକ୍ତ ଦୁଇ ଅଭିଯୁକ୍ତଙ୍କୁ ଧରିଥିଲେ। ପଚରାଉଚୁରା ପରେ ସେମାନଙ୍କଠାରୁ ୧୧ଟି ଚୋରା ମୋବାଇଲ ପୋଲିସ ପାଇଥିଲା। ଏ ନେଇ ନଂ. ୪୧୫/୧୯ରେ ମାମଲା ରୁଜୁ ହୋଇଛି ।