ଅନୁଗୋଳ ଅଫିସ, ୧୨।୭-ଷଷ୍ଠ ତମ ଜାତୀୟ ସ୍କୋଏ ମାର୍ଶଲ ଆର୍ଟ ପ୍ରତିଯୋଗିତା କଶ୍ମୀର ପହଲ ଗ୍ରାମ ଠାରେ ଜୁନ୍ ୧୬ ଠାରୁ ୨୦ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିବା ଅନୁଗୋଳ ଜିଲାର କୁନ୍ଦନ କୁମାର ଏବଂ ଚିତ୍ତରଞ୍ଜନ ମହନ୍ତ ଯଥାକ୍ରମେ ରୌପ୍ୟ ଓ କାଂସ୍ୟ ପଦକ ହାସଲ କରିଛନ୍ତି। ଅନୁଗୋଳ ଜିଲାପାଳ ମନୋଜ କୁମାର ମହାନ୍ତି, ଅତିରିକ୍ତ ଜିଲାପାଳ ତପନ କୁମାର ଶତପଥୀ, ଉପଜିଲାପାଳ ବାସୁଦେବ ଶତପଥୀ, ଜିଲା କ୍ରୀଡ଼ା ଅଧିକାରୀ ଅକ୍ଷୟ କୁମାର ସେଠ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି। ରାଜ୍ୟ ସମ୍ପାଦକ ଏସ୍ କେ ସଲାଉଜିନ୍, ସହ ସମ୍ପାଦକ ଦୁଶ୍ୟନ୍ତ କୁମାର ନାଥଙ୍କ ତତ୍ତ୍ବାବଧାନରେ ୨ ଜଣ ପ୍ରତିଯୋଗିତା ଭାଗ ନେଇଥିଲେ। ଦୁଶ୍ୟନ୍ତ କୁମାର ନାଥ ଓ କୋଚ ପ୍ରଦୀପ କୁମାର ପ୍ରଧାନଙ୍କଠାରୁ ଉଭୟେ ପ୍ରଶିକ୍ଷଣ ନେଇଥିଲେ।
