ଭୁବନେଶ୍ୱର, ୬।୧(କ୍ରୀଡ଼ା ପ୍ରତିନିଧି)- ଜାତୀୟ ସ୍ପୋଟର୍ସ କ୍ଲାଇମ୍ବିଂ ଚାମ୍ପିୟନଶିପ୍ର ୨୫ତମ ସଂସ୍କରଣ ସୋମବାରଠାରୁ କଳିଙ୍ଗ ଷ୍ଟାଡିୟମର ସ୍ପୋଟର୍ସ କ୍ଲାଇମ୍ବିଂ ହାଇ ପରଫରମାନ୍ସ ସେଣ୍ଟରରେ ଆରମ୍ଭ ହେବ। ଓଡ଼ିଶାରେ ପ୍ରଥମଥରପାଇଁ ହେବାକୁ ଯାଉଥିବା ଏହି ପ୍ରତିଯୋଗିତା ୧୦ ତାରିଖ ପର୍ଯ୍ୟନ୍ତ ଚାଲିବ। ପ୍ରତିଯୋଗିତାରେ ୭ ଜୋନ୍ରୁ ୧୮୦ରୁ ୧୮୬ ପ୍ରତିଯୋଗୀ ଅଂଶଗ୍ରହଣ କରିବେ ବୋଲି ଇଣ୍ଡିଆନ ମାଉଣ୍ଟେନରିଂ ଫେଡେରେଶନ (ଆଇଏମଏଫ) କର୍ମକର୍ତ୍ତା ବ୍ରିଗେଡିୟର ଏମ୍.ପି. ଯାଦବ ପ୍ରକାଶ କରିଛନ୍ତି। ୫ ଦିନ ବିଶିଷ୍ଟ ପ୍ରତିଯୋଗିତାକୁ ପାଖାପାଖି ୬୦ ଅଫିସିଆଲ ପରିଚାଳନା କରିବେ। ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ସୁରେଶ କୁମାର ମହାପାତ୍ର ଅପରାହ୍ନ ୫ଟାରେ ପ୍ରତିଯୋଗିତାକୁ ଉଦ୍ଘାଟନ କରିବା କାର୍ଯ୍ୟକ୍ରମ ରହିଛି। ଆଇଏମଏଫ ସଭାପତି ବ୍ରିଗେଡିୟର ଅଶୋକ ଆବେ, ଉପସଭାପତି ରିତା ଗୋମ୍ବୁ ମାରଓ୍ବା ପ୍ରମୁଖ ଅନ୍ୟତମ ଅତିଥିଭାବେ ଯୋଗଦେବେ।
