ଭୁବନେଶ୍ୱର, ୨୧-୭(ବ୍ୟୁରୋ): ଜାତୀୟ ହାର୍ଡଓ୍ବେର ହାକାଥନ-୨୦୧୯ରେ ସି.ଭି.ରମଣ କଲେଜର ଛାତ୍ରୀଛାତ୍ରମାନେ ସଫଳତା ହାସଲ କରିଛନ୍ତି। କେନ୍ଦ୍ର ସରକାରଙ୍କ ଆୟୁଷ ମନ୍ତ୍ରଣାଳୟ ଏବଂ କଗ୍ନିଜାଣ୍ଟ କମ୍ପାନୀ ଦ୍ୱାରା ଆଇଆଇଟି ଦିଲ୍ଲୀ ଏବଂ ଆଇଆଇଟି ହାଇଦ୍ରାବାଦଠାରେ ଅନୁଷ୍ଠିତ କାର୍ଯ୍ୟକ୍ରମରେ ସି.ଭି.ରମଣ ଛାତ୍ରୀଛାତ୍ର ପୁରସ୍କାର ଲାଭ କରିଛନ୍ତି। ପ୍ରତିଷ୍ଠାନର ୨ ଗ୍ରୁପ ଛାତ୍ରୀଛାତ୍ର ଏକ ସମସ୍ୟା ଉପରେ ଆଧାରିତ ସମାଧାନ ଡିଜାଇନ ପ୍ରସ୍ତୁତ କରିଥିଲେ। ଓସେନ୍ କ୍ଲିନିଙ୍ଗ ସମସ୍ୟା ସମାଧାନ ଏବଂ ଡାକ୍ତର ରୋଗୀଙ୍କ ମଧ୍ୟରେ ବାର୍ତ୍ତାଳାପକୁ ଡିଜିଟାଲ ଫର୍ମାଟରେ ରୂପାନ୍ତର ଭଳି ପ୍ରୋଟୋଟାଇପ୍ ଡିଜାଇନଗୁଡିକ ମଧ୍ୟରେ ସ୍ଥାନିତ ହୋଇଥିଲା। ଦ୍ୱିତୀୟ ଡିଜାଇନ ପ୍ରଥମ ସ୍ଥାନ ହାସଲ କରିଥିବା ବେଳେ ପ୍ରଥମଟି ବେଶ ପ୍ରଂଶସା ଲାଭ କରିଛି। ଏଆଇସିଟିଇ ଅଧ୍ୟକ୍ଷ ପ୍ରଫେସର ଅନୀଲ ଡି.ସହସ୍ରବୁଦ୍ଧେ କୃତି ଛାତ୍ରୀଛାତ୍ରଙ୍କୁ ପ୍ରଶଂସା କରିଛନ୍ତି। ସଫଳତା ଲାଗି ସି.ଭି.ରମଣ ଅଧ୍ୟକ୍ଷ ସଞ୍ଜୀବ କୁମାର ରାଉତ କୃତୀ ଛାତ୍ରୀଛାତ୍ର ଏବଂ ଶିକ୍ଷକମାନଙ୍କୁ ଶୁଭେଚ୍ଛା ଜଣାଇଛନ୍ତି।