ମୁମ୍ବାଇ,୨୯।୧୨: ନୋବେଲ ବିଜେତା ମଲାଲା ୟୁଶୁଫଜାଇଙ୍କ ବାୟୋପିକ୍ ‘ଗୁଲ୍ ମକାଇ’କୁ ଏବେ ମିଳିଛି ଏହାର ରିଲିଜ୍ ଡେଟ୍। ଆସନ୍ତା ବର୍ଷ ଜାନୁୟାରୀ ୩୧ରେ ଏହା ରିଲିଜ୍ ହେବ। ଏଚ୍ଇ ଅମଜାଦ ଖାଁଙ୍କ ନିର୍ଦ୍ଦେଶିତ ଏହି ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ସଞ୍ଜୟ ସିଙ୍ଗଲା। ରିମା ଶେଖଙ୍କୁ ଏଥିରେ ମଲାଲାଙ୍କ ଭୂମିକାରେ ଦେଖିବାକୁ ମିଳିବ। ଅନ୍ୟମାନଙ୍କ ମଧ୍ୟରେ ଦିବ୍ୟା ଦତ୍ତା, ପଙ୍କଜ ତ୍ରିପାଠୀ, ଅତୁଲ କୁଲକର୍ନି ଓ ମୁକେଶ ରିଷିଙ୍କୁ ମୁଖ୍ୟ ଚରିତ୍ରରେ ଦେଖିବାକୁ ମିଳିବ। ଏହି ବାୟୋପିକ୍ରେ ଜିଆଉଦ୍ଦିନ ୟୁଶୁଫଜାଇଙ୍କ ପରିବାରର ସାହସିକତାର କାହାଣୀ ବର୍ଣ୍ଣନା କରାଯାଇଛି।