ନୂଆଦିଲ୍ଲୀ,୧-୧: ୨୦୨୦ ଜାନୁୟାରୀରେ ବିଭିନ୍ନ ରାଜ୍ୟରେ ବ୍ୟାଙ୍କ ୧୦ ଦିନ ବନ୍ଦ ରହିବ। ରିଜର୍ଭ ବ୍ୟାଙ୍କର ଛୁଟି ତାଲିକା ମୁତାବକ ୨୦୨୦ ପ୍ରଥମ ମାସରେ ବିଭିନ୍ନ ପର୍ବପର୍ବାଣୀ ଯୋଗୁ ବ୍ୟାଙ୍କ ବନ୍ଦ ରହିବ ବୋଲି ଉଲ୍ଲେଖ ରହିଛି। ପହିଲା ଦିନ ସାରା ଦେଶରେ ବ୍ୟାଙ୍କ ଛୁଟି ରହିବ। ୧୧ ଜାନୁୟାରୀ ଶନିବାର ମିଶନାରୀ ଡେ ଥିବା ବେଳେ ମିଜୋରାମରେ ବ୍ୟାଙ୍କ ଛଟି ରହିବ। ୧୫ ଜାନୁୟାରୀରେ ଭୋଗି, ପୋଙ୍ଗଲ, ଭୋଗଲୀ, ମକର ସଂକ୍ରାନ୍ତି,ବିହୁ ଏବଂ ଲୋହଡି ପର୍ବ ଯୋଗୁ ଆନ୍ଧ୍ର ପ୍ରଦେଶ, କର୍ନାଟକ, ତେଲେଙ୍ଗାନା, ପଞ୍ଜାବ, ଆସାମ ଏବଂ ମହାରାଷ୍ଟ୍ରରେ ବ୍ୟାଙ୍କ ବନ୍ଦ ରହିବ। ୧୬ ଜାନୁୟାରୀରେ ତିରୁବଲୁବର ଦିବସ ଯୋଗୁ ଆନ୍ଧ୍ର ପ୍ରଦେଶ, ପୁଡୁଚେରୀ, ତାମିଲନାଡୁ, ୧୭ ଜାନୁୟାରୀରେ ଉଜାବୁର ଥିରୁନଲ ପାଇଁ ପୁଡୁଚେରୀ,ଥିରୁନଲ, ୧୮ ଜାନୁୟାରୀରେ ଦ୍ୱିତୀୟ ଶନିବାର ଲାଗି ସାରା ଦେଶରେ ଛୁଟି, ୨୩ ଜାନୁୟାରିରେ ନେତାଜୀ ଜୟନ୍ତି ଯୋଗୁ ପଶ୍ଚିମବଙ୍ଗ, ତ୍ରିପୁରା, ଆସାମ ଏବଂ ଓଡିଶାରେ ବ୍ୟାଙ୍କ ଛୁଟି ରହିବ। ସେହିଭଳି ୨୫ ଜାନୁୟାରୀରେ ସୋନମ ଲୋଚର ଏବଂ ହିମାଞ୍ଚଳ ଷ୍ଟେଟହୁଡ ଡେ ଯୋଗୁ ସିକିମ ହିମାଚଳ ପ୍ରଦେଶରେ ବ୍ୟାଙ୍କ ବନ୍ଦ ରହିବ। ୩୦ ଜାନୁୟାରୀରେ ବସନ୍ତ ପଞ୍ଚମୀ ଯୋଗୁ ବିଭିନ୍ନ ରାଜ୍ୟରେ ବ୍ୟାଙ୍କ ଛୁଟି ଏବଂ ୩୧ ଜାନୁୟାରୀରେ ମେ-ଡାମ-ମେ କି ଯୋଗୁ ଆସାମରେ ବ୍ୟାଙ୍କ ଛୁଟି ରହିବ।