ଭବାନୀପାଟଣା,୨୭।୧୨(ଡି.ଏନ୍.ଏ.) : କେନ୍ଦ୍ର ସରକାରଙ୍କ ଦରଦାମ୍ ବୃଦ୍ଧି ବନ୍ଦ, ଶ୍ରମିକମାନଙ୍କୁ ମାସିକ ସର୍ବନିମ୍ନ ମଜୁରୀ ୨୧ ହଜାର ଟଙ୍କା ପ୍ରଦାନ, ସମାନ କାମକୁ ସମାନ ଦରମା, ମାସିକ ପେନ୍ସନ୧୦ ହଜାର ଟଙ୍କା ପ୍ରଦାନ ଆଦି ଦାବି ନେଇ ଆସନ୍ତା ଜାନୁଆରୀ ୮ ତାରିଖରେ କଳାହାଣ୍ଡି ନିର୍ମାଣ ଶ୍ରମିକ ସମନ୍ବୟ କମିଟି ପକ୍ଷରୁ ଜିଲାରେ ଧର୍ମଘଟ କରିବା ପାଇଁ ନିଷ୍ପତ୍ତି ନିଆଯାଇଥିବା ଜଣାପଡ଼ିଛି। ସ୍ଥାନୀୟ ହୋଟେଲରେ କଳାହାଣ୍ଡି ନିର୍ମାଣ ଶ୍ରମିକ ସମନ୍ବୟ କମିଟିର ଏକ ବୈଠକ କମିଟିର ଆବାହକ ଗୌରଚନ୍ଦ୍ର ନାଏକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଏହି ନିଷ୍ପତ୍ତି ନିଆଯାଇଛି। ଉକ୍ତ ବୈଠକରେ ସଂଘର ମୁଖ୍ୟ ଉପଦେଷ୍ଟା ଦାମୋଦର ବେହେରା, ଯଶୋବନ୍ତ ନାଏକ, ରିକ୍ସା ୟୁନିଅନର ସୁଧୀର ପଟ୍ଟନାୟକ, ପୋଷ୍ଟ ଅଫିସର ୟୁନିଅନର ଉପେନ୍ଦ୍ର ସାହୁ, ସବ୍ୟସାଚୀ ନାଏକ, ପୀତାମ୍ବର ଦଣ୍ଡସେନା, ଟାକ୍ସି ୟୁନିଅନର ପ୍ରଦୀପ କୁମାର ଦାସ ପ୍ରମୁଖ ଉପସ୍ଥିତ ଥିଲେ। ଜନକଲ୍ୟାଣ ଶ୍ରମିକ ସଂଘ ସଭାପତି ତ୍ରୈଲୋକ୍ୟ ଜ୍ୟୋତି ବାଗ୍ ସଭା ପରିଚାଳନା ସହ ଧନ୍ୟବାଦ ଦେଇଥିଲେ।