ଓସାକା, ୨୮।୬: ଜି-୨୦ ସମ୍ମିଳନୀରେ ଭାଗନେବା ପାଇଁ ଜାପାନ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାକୁ ପ୍ରଶଂସା କରିଛନ୍ତି। ପ୍ରବାସୀ ଭାରତୀଙ୍କୁ ସମ୍ବୋଧିତ କରି ଓଡ଼ିଶା ସରକାରଙ୍କ ୱେଲ ପ୍ଲାନିଂ ଓ ସୁପରଭିଜନ ପାଇଁ ଫନୀ ଭଳି ବାତ୍ୟା ଆମେ ସଫଳତାର ସହ ମୁକାବିଲା କରିପାରିଛୁ ବୋଲି ମୋଦି କହିଛନ୍ତି। ସୂଚନାଯୋଗ୍ୟ,ବାତ୍ୟା ଆସିବା ପୂର୍ବରୁ ରାଜ୍ୟ ସରକାର ଏବଂ ପ୍ରଶାସନିକ ଅଧିକାରୀମାନେ ନିଜ ଦାୟିତ୍ୱ ଭଲ ଭାବେ ସମ୍ପାଦନ କରିବା ସହ ପାଖାପାଖି ୧୦ଲକ୍ଷ ଲୋକଙ୍କୁ ୫ହଜାର ବାତ୍ୟା ଆଶ୍ରୟସ୍ଥଳକୁ ସ୍ତାନାନ୍ତର କରିଥିଲେ। ଫଳରେ ବହୁ ଜୀବନ ସୁରକ୍ଷିତ ହୋଇପାରିଥିଲା।