ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିରେ ଷ୍ଟାର କିଡ୍ସମାନଙ୍କୁ ଅଧିକ ପ୍ରାଧାନ୍ୟ ଦିଆଯାଉଥିବା ନେଇ ଅନେକ ସମୟରେ ବିବାଦ ଦେଖାଯାଇଛି। କିନ୍ତୁ ଏବେ ଆଉ ଏକ ପ୍ରସଙ୍ଗକୁ ନେଇ ଫିଲ୍ମ ଜଗତରେ ଚର୍ଚ୍ଚା ହେବା ଆରମ୍ଭ ହୋଇଛି। ଷ୍ଟାର କିଡ୍ସମାନଙ୍କୁ ନେଇ ଫିଲ୍ମ କରିବା ପାଇଁ ପ୍ରଡ୍ୟୁସରମାନଙ୍କୁ ଟଙ୍କା ଦିଆଯାଉଥିବା ଚର୍ଚ୍ଚା ହେଉଛି। ନିକଟରେ ଏକ ସାକ୍ଷାତ୍କାର ଜରିଆରେ ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ଏନେଇ ନିଜ ମତ ରଖିଛନ୍ତି। ତାଙ୍କ ପାଖରେ କିମ୍ବା ବାପା ବୋନୀ କପୁରଙ୍କ ପାଖରେ ମୋଟା ଅଙ୍କର ଟଙ୍କା ନାହିଁ କିମ୍ବା ସେମାନେ ସେତେ ଧନୀ ନୁହନ୍ତି, ଯଦ୍ଦ୍ବାରା ପ୍ରଡ୍ୟୁସରଙ୍କୁ ଟଙ୍କା ଦେଇ ଫିଲ୍ମ ତିଆରି କରିପାରିବେ, ଯେଉଁଥିରେ ସେ ମୁଖ୍ୟ ଭୂମିକାରେ ଅଭିନୟ କରିବେ।
ଟ୍ୟାଲେଣ୍ଟ ପାଇଁ ତାଙ୍କ ଫିଲ୍ମରେ ଅଭିନୟ କରିବାର ସୁଯୋଗ ମିଳୁଥିବା ସେ କହିଛନ୍ତି। ଅନ୍ୟପକ୍ଷେ ଇଣ୍ଡଷ୍ଟ୍ରିରେ ଏମିତି କୌଣସି ପ୍ରଡ୍ୟୁସର ନାହାନ୍ତି ଯେଉଁମାନେ ଫିଲ୍ମରେ ନିଜ ଟଙ୍କା ଖର୍ଚ୍ଚ କରି ଷ୍ଟାର କିଡ୍ସମାନଙ୍କୁ ସୁଯୋଗ ଦେବେ ଏବଂ କ୍ଷତି ମଧ୍ୟ ସହିବେ। ଶେଷ ଥର ପାଇଁ ଜାହ୍ନବୀ ଫିଲ୍ମ ଡିଜ୍ନୀ ପ୍ଲସ୍ ହଟ୍ଷ୍ଟାରର ‘ଗୁଡ୍ ଲକ୍ ଜେରୀ’ରେ ଦେଖାଯାଇଥିଲେ। ଆଗାମୀ ଦିନରେ ତାଙ୍କ ଅଭିନୀତ ‘ ମିଲି’ ରିଲିଜ୍ ହେବ, ଯାହାର ପ୍ରମୋଶନ୍ ଏବେ ଜାରି ରହିଛି।