ମୁମ୍ବାଇ: ବଲିଉଡ୍ ତା’ର ଫିଲ୍ମକୁ ନେଇ ଯେତିକି ଚର୍ଚ୍ଚିତ ତା’ଠାରୁ ଅଧିକ ଚର୍ଚ୍ଚିତ କଣ୍ଟ୍ରୋଭର୍ସିକୁ ନେଇ। ତେବେ ବଲିଉଡ୍ର ଏମିତି ଏକ ବହୁ ଚର୍ଚ୍ଚିତ କଣ୍ଟ୍ରୋଭର୍ସିକୁ ନେଇ ଏବେ ତିଆରି ହେବାକୁ ଯାଉଛି ଡକ୍ୟୁମେଣ୍ଟାରୀ। ଅଭିନେତ୍ରୀ ଜିଆ ଖାଁଙ୍କ ସୁଇସାଇଟ୍ ମିଷ୍ଟ୍ରି ଉପରେ ଏହା ଉପରେ ଆଧାରିତ ହେବ । ଏକ ବ୍ରିଟିଶ ଟେଲିଭିଜନ କମ୍ପାନୀ ଏହାକୁ ପ୍ରସ୍ତୁତ କରିବ ବୋଲି ଶୁଣିବାକୁ ମିଳିଛି। ତିନୋଟି ଭାଗରେ ଏହା ପ୍ରସ୍ତୁତ କରାଯିବ। ସୂଚନାଯୋଗ୍ୟ, ଜିଆ ଖାଁ ୨୦୧୩ରେ ଆତ୍ମହତ୍ୟା କରିଥିବା କୁହାଯାଉଥିବା ବେଳେ ଏହା ହତ୍ୟା କି ଆତ୍ମହତ୍ୟା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏହି ମାମଲାରେ ଜିଆଙ୍କ ପୁରୁଷ ବନ୍ଧୁ ସୁରଜ ପାଞ୍ଚୋଲିଙ୍କ ନାଁ ଯୋଡି ହୋଇଯାଇଥିବା ବେଳେ ସେ କିଛିଦିନ ପାଇଁ ଜେଲ୍ରେ ମଧ୍ୟ ରହି ସାରିଛନ୍ତି। ୟୁକେରେ ବଢିଥିବା ଜିଆ ଆତ୍ମହତ୍ୟା କରିଥିବା ଖବର ଆସିବା ପରେ ଏହାକୁ ଜାତୀୟ ତଥା ଅନ୍ତର୍ଜାତୀୟ ସ୍ତରରେ ଚର୍ଚ୍ଚା .େହେୋଇ.େହ।ଇଥିଲା। ଏବେ ଜଣେ ବ୍ରିଟିଶ ଫିଲ୍ମ ନିର୍ମାତା ଏହା ଉପରେ ଡକ୍ୟୁମେଣ୍ଟାରୀ କରିବାକୁ ମୁମ୍ବାଇରେ ଥିବା ଜଣାପଡିଛି। ସେ ଜିଆଙ୍କ ମୃତ୍ୟୁକୁ ନେଇ ଅନୁଧ୍ୟାନ କରୁଥିବା ବେଳେ ଅଫିସିଆଲି ଏହା ବିଷୟରେ କିଛି ଘୋଷଣା କରି ନାହାଁନ୍ତି। ସବୁ କାମ ସରିବା ପରେ ସେ ଏହା ଘୋଷଣା କରିବେ ବୋଲି କହିଛନ୍ତି।
