ମୁମ୍ବାଇ,୨୯।୫: ପ୍ରମୁଖ ବାଣିଜି୍ୟକ ଗ୍ରୁପ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ(ରିଲ୍)ର ରିଲାଏନ୍ସ ଜିଓ ଡିଜିଟାଲ ପ୍ଲାଟଫର୍ମରେ ଆବୁଧାବିର ପ୍ରମୁଖ ଅର୍ଥ ନିବେଶକାରୀ ସଂସ୍ଥା ମୁବାଡାଲ ୧ବିଲିୟନ ଓ ୟୁଏସ’ର ପ୍ରମୁଖ ସଫ୍ଟଓ୍ବାର କମ୍ପାନୀ ମାଇକ୍ରୋସଫ୍ଟ ପ୍ରାୟତଃ ୨ବିଲିୟନ ଅର୍ଥ ଜିଓରେ ନିବେଶ ଯୋଜନା ରଖିଛନ୍ତି। ଗୁରୁବାର ଜିଓ ପକ୍ଷରୁ ଏ ନେଇ ସୂଚନା ଦିଆଯାଇଛି । ଜିଓ’ରେ ରହିଥିବା ବିଭିନ୍ନ ପ୍ରକାରର ଫିଚର ଆପ ସବୁ ବର୍ଗଙ୍କୁ ସୁହାଉଛି। ଏହି ଫିଚର ଆପରେ ଖବର,ନାଚ,ଗୀତ,ଚଳଚ୍ଚିତ୍ର ଓ ମନୋରଞ୍ଜନ ଭଳି ଅନେକ ସୁବିଧା ରହିଛି ଯାହା ଗ୍ରାହକଙ୍କ ନିକଟତର ହେବା ସହ ବ୍ୟବସାୟରେ ବେଶ ସହାୟକ ପ୍ରଦାନ ହୋଇପାରିବ। ଜିଓ’ର ଏହି ଫିଚର ଓ ଗ୍ରାହକଙ୍କ ସଂଖ୍ୟାକୁ ଲକ୍ଷ୍ୟ କରି ଗତ ମାସରେ ଫେସବୁକ ଜିଓ’ରେ ୧୦ବିଲିୟନ ନିବେଶ କରିଥିବା କମ୍ପାନୀ ମତ ଦେଇଛି । ଜିଓ’ରେ ନିବେଶ କରିବା ଫଳରେ ଏହି ଦୁଇ ବୃହତ କମ୍ପାନୀର କାରବାର ମଧ୍ୟ ବୃଦ୍ଧି ପାଇବ ବୋଲି ମତ ପ୍ରକାଶ ପାଇଛି। ଜିଓ ହେଉଛି ଟେଲିକମ୍ ସେବାର ଏକ ବୃହତ ଡିଜିଟାଲ ପ୍ଲାଟଫର୍ମ। ଏହି ପ୍ଲାଟଫର୍ମରେ ବାଣିଜି୍ୟକ କାରବାର ବେଶ ସହଜ ଓ ଲାଭପ୍ରଦ ହେବ । ଜିଓ ବିଶ୍ୱ ଦରବାରରେ ପରିଚିତ ଯାହା ବାଣିଜି୍ୟକ କାରବାର ଓ ନିବେଶକଙ୍କ ପାଇଁ ଏକ ପ୍ରମୁଖ ମାଧ୍ୟମ ପାଲଟିଛି ।
