ମୁମ୍ବାଇ,୨୩।୫: ଦେଶର ପ୍ରମୁଖ ବାଣିଜି୍ୟକ ଗ୍ରୁପ୍ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ର ଡିଜିଟାଲ ସେବା ପ୍ରଦାନକାରୀ କମ୍ପାନୀ ଜିଓ ପ୍ଲାଟ୍ଫର୍ମରେ ନିବେଶକାରୀ ସଂସ୍ଥା କେକେଆର୍ ୧୧୩୬୭ କୋଟି ଟଙ୍କାର ପୁଞ୍ଜି ନିବେଶ କରିବ। ଜିଓ ପକ୍ଷରୁ ଶୁକ୍ରବାର ଏ ନେଇ ସୂଚନା ଦିଆଯାଇଛି। ଜିଓ ପ୍ଲାଟ୍ଫର୍ମସ୍ର ମୋଟ ଇକ୍ୱିଟି ମୂଲ୍ୟ ୪.୯୧ଲକ୍ଷ କୋଟି ଟଙ୍କା ଏବଂ ଔଦ୍ୟୋଗିକ ମୂଲ୍ୟ ୫.୧୬ଲକ୍ଷ କୋଟି ଟଙ୍କା ବୋଲି ଆକଳନରୁ ଜଣାପଡିଛି । କେକେଆର୍ର ଏହି ନିବେଶ ଫଳରେ ୨.୩୨% ଅଂଶଧନ ହାସଲ କରିବ। ଗତ ଏକ ମାସ ମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜରେ ଏହା ହେଉଛି ୫ମ ବୃହତ୍ ନିବେଶ। ଏହା ପୂର୍ବରୁ ଫେସ୍ବୁକ୍, ସିଲ୍ଭରଲେକ୍, ଭିଷ୍ଟା ଇକ୍ୱିଟି ପାର୍ଟନର୍ସ, ଜେନେରାଲ ଆଟ୍ଲାଣ୍ଟିକ ନିବେଶ କରିଥିଲେ। ଏହି ତାଲିକାରେ କେକେଆର୍ ଭଳି ବିଶ୍ୱର ବୈଷୟିକ କ୍ଷେତ୍ରରେ ଅଗ୍ରଣୀ ନିବେଶକାରୀ ସଂସ୍ଥା ଯୋଡ଼ିହୋଇଛି। ଏହି କମ୍ପାନୀଗୁଡିକ ଜିଓ ପ୍ଲାଟ୍ଫର୍ମରେ ବର୍ତ୍ତମାନ ସୁଦ୍ଧା ୭୮,୫୬୨କୋଟି ଟଙ୍କାର ପୁଞ୍ଜି ବିନିଯୋଗ କରିବା ପାଇଁ ଘୋଷଣା କରିଛନ୍ତି।