ନୂଆଦିଲ୍ଲୀ,୨୯।୫: ବର୍ତ୍ତମାନ ଦେଶର ଅର୍ଥ ବ୍ୟବସ୍ଥାରେ ଉଭୟ ଯୋଗାଣ ଏବଂ ଚାହିଦା ପ୍ରଭାବିତ ସ୍ଥିତିରେ ରହିଛି। ଶିଳ୍ପଜଗତର କାର୍ଯ୍ୟକଳାପ ଟ୍ରାକ୍କୁ ଫେରି ନ ଥିବାରୁ ନିବେଶ ମଧ୍ୟ ହୋଇପାରୁନାହିଁ। ସର୍ଭିସ ସେକ୍ଟର ଏବଂ ଉପଯୋଗିିତା ମଧ୍ୟ କମ୍ ରହିଛି। ୨୦୨୦ରେ ଜିଡିପି ପ୍ରାୟ ୫% ଖସିବ ବୋଲି ଏଜେନ୍ସିଗୁଡିକ ପୂର୍ବାନୁମାନ କରିଛନ୍ତି। ଶୁକ୍ରବାର ଜିଡିପି ଡାଟା ଜାରି କରିବାକୁ ଥିବା ବେଳେ ପ୍ରମୁଖ ଏଜେନ୍ସିଗୁଡିକ ଏଭଳି ପୂର୍ବାନୁମାନ କରିଛନ୍ତି। ଦେଶର ରିୟଲ ଜିଡିପି ୫% ଖସିବ ବୋଲି ନୋମୋରା ପକ୍ଷରୁ ରିପୋର୍ଟରେ ସୂଚନା ଦିଆଯାଇଛି। ଜାନୁୟାରୀ-ମାର୍ଚ୍ଚରେ ଜିଡିପି ବାର୍ଷିକ ଭିତ୍ତିରେ ୧୦% ଖସିବା ନେଇ ଏଚ୍ଏସ୍ବିସି ପ୍ରକାଶ କରିଛି। ବାର୍ଷିକ ଭିତ୍ତିରେ ଅଭିବୃଦ୍ଧି ୦ରୁ ୦.୫% ରହିବ ବୋଲି ଏହି ଏଜେନ୍ସି କହିଛି। ଚତୁର୍ଥ ତ୍ରୈମାସରେ ୩.୬% ଅଭିବୃଦ୍ଧି ଏବଂ ୨୦୨୦ଆର୍ଥତ୍କ ଲାଗି ଏହା ୪.୭% ରହିବ ବୋଲି କେୟାର ରେଟିଂସ୍ ପକ୍ଷରୁ କୁହାଯାଇଛି। ୧୯୮୦ ପରେ ଭାରତ ଏଭଳି ବଡ ମାନ୍ଦାବସ୍ଥା ସାମ୍ନା କରୁଛି ବୋଲି ଡିବିଏସ୍ ଏହାର ରିପୋର୍ଟରେ ପ୍ରକାଶ କରିଛି। ଏହି ସମୟରେ ନକାରାତ୍ମକ ଅଭିବୃଦ୍ଧି -୫.୫% ରହିବା ନେଇ ଏହା ଆକଳନରେ କହିଛି। ୨୦୨୧ ଆର୍ଥତ୍କ ବର୍ଷରେ ଅଭିବୃଦ୍ଧି -୫% ଖସିବା ନେଇ ୟୁବିଏସ୍ ପୂର୍ବାନୁମାନ କରିଛି।