ବାରିପଦା ଅଫିସ,୨୧ା୮-କେନ୍ଦ୍ର ସରକାରଙ୍କ ଜନବିରୋଧି କାର୍ଯ୍ୟକ୍ରମକୁ ବିରୋଧ କରି ମୟୂରଭଞ୍ଜ ଜିଲା କମ୍ୟୁନିଷ୍ଟ ପାର୍ଟି(ମାକର୍ସବାଦୀ) ପକ୍ଷରୁ ଗୁରୁବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। କୋଭିଡ୍-୧୯ ମୁକାବିଲାକୁ ଏକସୂତ୍ରୀ କାର୍ଯ୍ୟକ୍ରମ ଭାବରେ ଗ୍ରହଣ କରିବା ପରିବର୍ତ୍ତେ କେନ୍ଦ୍ରର ଭାଜପା ନେତୃତ୍ୱାଧିନ ସରକାର ଜନସାଧାରଣଙ୍କ ଜୀବନ ଜୀବିକାକୁ ଅଣଦେଖା କରି ଜନ ବିରୋଧି କାର୍ଯ୍ୟକ୍ରମମାନ କାର୍ଯ୍ୟକାରୀ କରୁଛନ୍ତି ା ଖାଦ୍ୟାଭାବ, ବେକାରୀ ଓ ଦରବୃଦ୍ଧି ଯୋଗୁଁ ଦେଶବାସୀ ହନ୍ତସନ୍ତ ହେଉଥିବା ବେଳେ ଧନୀ, ପୁଞ୍ଜିପତି ଓ କର୍ପୋରେଟରମାନଙ୍କ ସ୍ବାର୍ଥ୍ୟ ରକ୍ଷାର ପ୍ରହରୀ ଭାବେ ସରକାର କାର୍ଯ୍ୟକରୁଥିବା ଭଳି ୧୬ଟି ଦାବିକୁ ନେଇ ଆସନ୍ତା ୨୬ତାରିଖ ପର୍ଯ୍ୟନ୍ତ ଦଳ ପକ୍ଷରୁ ପ୍ରଚାର ଓ ଆନ୍ଦୋଳନ ଚଳାଇ ରଖିବା ପାଇଁ ଜିଲା ସମ୍ପାଦକ ରବି ଗୋସ୍ବାମୀ ବକ୍ତବ୍ୟ ମାଧ୍ୟମରେ ପ୍ରକାଶ କରିଥିଲେ। ଅନ୍ୟମାନଙ୍କ ମଧ୍ୟରେ ରାଜ୍ୟସମ୍ପାଦକ ମଣ୍ଡଳୀର ସଦସ୍ୟ ନିର୍ମଳ ନାୟକ, ସନ୍ତୋଷ ଦାସ, ଅମଲ ଦେ, ହରିଶ୍ଚନ୍ଦ୍ର ସିଂ, ମୃତ୍ୟୁଞ୍ଜୟ ବେହେରା, ଅଜୟ ଖୁଣ୍ଟିଆଙ୍କ ସମେତ ସଦସ୍ୟମାନେ ଉପସ୍ଥିତ ଥିଲେ ା