ଭବାନୀପାଟଣା,୩୧।୫(ଡି.ଏନ.ଏ.): କଳାହାଣ୍ଡି ଜିଲା ଭବାନୀପାଟଣା ମୁଖ୍ୟ ଚିକିତ୍ସାଳୟ ସଭାଗୃହରେ ବିଶ୍ୱ ତମାଖୁ ବର୍ଜନ ଦିବସ ଶୁକ୍ରବାର ପାଳିତ ହୋଇଛି। ଏହି ଦିବସରେ ସିଡିଏମ୍ଓପିଏଚ୍ଓ ଡ. ବନଲତା ଦେବୀ, ଡ. ନିହାରେନ୍ଦ୍ର ପଣ୍ଡା, ଡ. ସୁଶିଲ ରଥ, ଡ. ମନୋ ମାଝି, ଡ. ସୁବ୍ରତ ପଢିହାରୀ, ଜାତୀୟ ସ୍ବାସ୍ଥ୍ୟ ମିଶନର ଡିପିଏମ୍ ଅବନିରଞ୍ଜନ ମହାପାତ୍ର, ଖଗେନ୍ଦ୍ର ମାଝି, ଏନ୍ଟିସିପିର ଜିଲା ପରାମର୍ଶ ଦାତା ହିମାଂଶୁ ଶେଖର ବାରିକ, ଆର୍ଏନ୍ଟିସିପିର ପ୍ରବିଣ ସେନାପତୀ ଓ ବିକାଶ ଦାସ, ଖାଦ୍ୟ ସୁରକ୍ଷା ଅଧିକାରୀ ଅଜିତ୍ ଚାନ୍ଦ, ଡିଆଇ ବେଞ୍ଜାମିନ୍ ଦାସ ପ୍ରମୁଖ ଯୋଗଦେଇ ଏହି ଦିବସର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ଅବଗତ କରାଇଥିଲେ। ଏହି ଦିବସରେ ଆଶା କର୍ମୀମାନେ ଓ ଏଏନ୍ଏମ୍୍ ଛାତ୍ରୀମାନେ ଯୋଗଦେଇଥିଲେ। ସେମାନଙ୍କ ମଧ୍ୟରେ ଏହି ଦିବସ ଉପଲକ୍ଷେ କୁଇଜ୍ ଓ ବକୃତା ପ୍ରତିଯୋଗିତା କରାଯାଇଥିଲା। ବିଜୟୀ ପ୍ରତିଯୋଗିମାନଙ୍କୁ ପୁରସ୍କୃତ କରାଯାଇଥିଲା। ଉପସ୍ଥିତ ସ୍ବାସ୍ଥ୍ୟ ଅଧିକାରୀମାନେ ତମାଖୁ ବର୍ଜନ କରିବା ଉପରେ ନିଜର ମତ ରଖିଥିଲେ। କାର୍ଯ୍ୟକ୍ରମକୁ ହିମାଂଶୁ ଶେଖର ବାରିକ ପରିଚାଳନା କରିଥିଲେ। ଏହି ଉପଲକ୍ଷେ ଦସ୍ତଖତ ଅଭିଯାନ କରିବା ସହ ଜନସାଧାରଣଙ୍କୁ ସଚେତନ କରିବା ପାଇଁ ମାଇକରେ ପ୍ରଚାର ଓ ଲିପଲେଟ୍ ବଣ୍ଟନ କରାଯାଇଥିଲା। ଭବାନୀପାଟଣା ଅର୍ବାନ ପବ୍ଲିକ୍ ହେଲ୍ଥ ସେଣ୍ଟରଠାରେ ଏକ ଓରାଲ ସ୍କେନିଙ୍ଗ କ୍ୟାମ୍ପର ଆୟୋଜନ କରାଯାଇଥିଲା।