ନୂଆପଡା ଅଫିସ,୧୮ା୯-ସ୍ଥାନୀୟ ମିନିଷ୍ଟାଡିୟମରେ ଜିଲା ଶିକ୍ଷା ବିଭାଗ ତରଫରୁ ମଙ୍ଗଳବାର ଜିଲାସ୍ତରୀୟ ବ୍ୟାଡମିଣ୍ଟନ ଓ ଭଲିବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଅତିଥିମାନେ ଯୋଗଦେଇ କ୍ରିଡା କିପରି ମାନସିକ ଏବଂ ଶାରୀରିକ ସୁସ୍ଥତା ଦିଗରେ କାମ କରିଥାଏ ସେ ଉପରେ ମତ ରଖିଥିଲେ । ପୂର୍ବାହ୍ନରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲା ଶିକ୍ଷାଧିକାରୀ ଲକ୍ଷ୍ମଣ କୁମାର ଭୋଇ ସଭାପତିତ୍ୱ କରିଥିବାବେଳେ ଜିଲା ପରିଷଦ ଅଧ୍ୟକ୍ଷା ନମିତା ପ୍ରଧାନ ମୁଖ୍ୟଅତିଥି, ନୂଆପଡା ବ୍ଲକ ଶିକ୍ଷାଧିକାରୀ ଡ.ରେଶମ ଲାଲ ନାଏକ, ଜିଲା ବିଜ୍ଞାନ ଶିକ୍ଷା ନିରୀକ୍ଷକ ଅଶ୍ୱିନୀ କୁମାର ଭୋଇ, ବିନୋଦ କୁମାର ପାଢୀ, ନ୍ୟାଶନାଲ ହାଇସ୍କୁଲ ପ୍ରଧାନଶିକ୍ଷକ ସୁକାନ୍ତ କୁମାର ସତପଥୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। କାର୍ଯ୍ୟକ୍ରମକୁ ଜିଲା କ୍ରିଡା ନିରୀକ୍ଷକ ମହେଶ ଦଣ୍ଡସେନା ପରିଚାଳନା କରିଥିଲେ। ଏଥିରେ ୫ଟି ବ୍ଲକର ୧୯୦ଜଣ ପ୍ରତିଯୋଗୀ ଭାଗ ନେଇଥିଲେ। ଭଲିବଲରେ ୧୪ ବର୍ଷରୁ କମ ବୟସ ପୁରୁଷ ବର୍ଗରେ ସିନାପାଲି ଚାମ୍ପିୟନ ହୋଇଥିବାବେଳେ ନୂଆପଡା ଦଳ ରନର୍ସଅପ ହୋଇଛି । ଏହିଭଳି ୧୭ ବର୍ଷରୁ କମ ବାଳିକା ବର୍ଗରେ ନୂଆପଡା ଦଳ ଚାମ୍ପିୟନ ଏବଂ ଖଡିଆଳ ରନର୍ସ ଅପ, ବାଳକ ବର୍ଗରେ ନୂଆପଡା ଦଳ ଚାମ୍ପିୟନ, କୋମନା ଦଳ ରନର୍ସ ଅପ ହୋଇଛି ା ବ୍ୟାଡମିଣ୍ଟନ ୧୭ବର୍ଷରୁ କମ ବାଳକ ବର୍ଗରେ ଖଡିଆଳ ଦଳ ରାହୁଲ ମେହେର ଏବଂ ସାଥୀ ଶକ୍ତି ସ୍ବରୂପ ସୁପକାର ଚାମ୍ପିୟନ, ନୂଆପଡା ଦଳ ରନର୍ସ ଅପ, ବାଳିକା ବର୍ଗରେ ନୂଆପଡା ଦଳ ଚାମ୍ପିୟନ ଏବଂ ଖଡିଆଳ ଦଳ ରନର୍ସ ଅପ ହୋଇଛି । ଏହି କାର୍ଯ୍ୟକ୍ରମରେ ଅତିଥିମାନେ ଛାତ୍ରୀଛାତ୍ରମାନଙ୍କୁ ପୁରସ୍କୃତ କରି ଉତ୍ସାହିତ କରିଥିଲେ । ପ୍ରତିଯୋଗୀତାକୁ ସମସ୍ତ ଖେଳ ଶିକ୍ଷକମାନେ ପରିଚାଳନା କରିଥିଲେ । ଏଠିକାର କୃତୀ ଛାତ୍ରୀଛାତ୍ରମାନେ ରାଜ୍ୟସ୍ତରରେ ହେବାକୁ ଥିବା ପ୍ରତିଯୋଗିତାରେ ଅଂଶଗ୍ରହଣ କରିବା କାର୍ଯ୍ୟସୂଚୀ ରହିଛି।