ବାରିପଦା ଅଫିସ,୧୨।୧୧: ମୟୂରଭଞ୍ଜ ଜିଲା ବଡ଼ସାହି ଥାନା ଅଧିକାରୀ ବିଶ୍ୱଜ କୁମାର ରାଉତରାୟଙ୍କୁ ସୋମବାର ରାତିରେ ଜିଲା ପୋଲିସ ମୁଖ୍ୟାଳୟକୁ ବଦଳି କରାଯାଇଛି। ବଡ଼ସାହି ଥାନାର ସମସ୍ତ ଦାୟିତ୍ୱ ସବ୍ଇନ୍ସପେକ୍ଟର ମଞ୍ଜୁଲତା ଧଡାଙ୍କୁ ପ୍ରଦାନ କରାଯାଇଛି। ଏ ନେଇ ଏସ୍ପି ପରମାର ସ୍ମିଥ ପୁରୁଷୋତ୍ତମ ଦାସ ସୂଚନା ଦେଇଛନ୍ତି। ତେବେ ବିଭାଗୀୟ ନିର୍ଦ୍ଦେଶ ବଦଳରେ ଡିଆଇବିରୁ ଥାନାକୁ ଏହି ସୂଚନା ଦିଆଯାଇଥିଲା। ଆଡ୍ମିନିଷ୍ଟ୍ରେଟିଭ ଗ୍ରାଉଣ୍ଡରେ ତାଙ୍କୁ ବଦଳି କରାଯାଇଥିବା ଦର୍ଶାଯାଇଛି। ହଠାତ୍ ଥାନା ଅଧିକାରୀଙ୍କ ଏହି ବଦଳିକୁ ନେଇ ବଡ଼ସାହିରେ ନାନା ଆଲୋଚନା ହେଉଥିବା ବେଳେ ଜିଲା ପୋଲିସ ମହଲରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି।