କେନ୍ଦୁଝର, ୭ା୫(ଡି.ଏନ୍.ଏ.): କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ରୋଗୀମାନଙ୍କ ସେବାରେ ନିୟୋଜିତ ନର୍ସମାନଙ୍କୁ ମାସ୍କ ବଣ୍ଟନ କରାଯାଇଛି। କେନ୍ଦୁଝର ସହରସ୍ଥ ମା’ ଜଗଦମ୍ବା ଟ୍ରଷ୍ଟ ତରଫରୁ ପ୍ରସ୍ତୁତ ପ୍ରାୟ ୨ଶହରୁ ଊର୍ଦ୍ଧ୍ୱ ମାସ୍କ ଚିକିତ୍ସାଳୟରେ କାର୍ଯ୍ୟରତ ନର୍ସ ଗୁରୁବାରୀ ଦେଇଙ୍କୁ ଟ୍ରଷ୍ଟର କର୍ମକର୍ତ୍ତାମାନେ ହସ୍ତାନ୍ତର କରିଥିଲେ। ବର୍ତ୍ତମାନ ଉପୁଜିଥିବା କରୋନା ପରିସ୍ଥିତିରେ ଟ୍ରଷ୍ଟ ତରଫରୁ ବିଭିନ୍ନ ସ୍ଥାନରେ ମାସ୍କ ବଣ୍ଟନ କାର୍ଯ୍ୟକୁ ଅନୁଷ୍ଠାନର କର୍ମକର୍ତ୍ତାମାନେ ସ୍ବେଚ୍ଛାକୃତ ଭାବେ ତ୍ୱରାନ୍ବିତ କରୁଥିବାରୁ ବିଭିନ୍ନ ମହଲରେ ସ୍ବାଗତ କରାଯାଇଛି। ଟ୍ରଷ୍ଟର ଅଧ୍ୟକ୍ଷ ଡାକ୍ତର ନରେନ୍ଦ୍ର କୁମାର ରାଠୋରଙ୍କ ନେତୃତ୍ୱରେ ସୋମନାଥ ଚାୱଡ଼ା,ପରେଶ ଟାଙ୍କ, ହିତେଶ ରାଠୋର, ସଞ୍ଜୟ ଭସାଣୀ, ହରିଶ୍ ଯାଦବ, ଜଗଦିଶ ରାଠୋର, ରମଣିକ୍ଲାଲ ରାଠୋର ପ୍ରମୁଖ ଏହି ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମରେ ସାମିଲ ହୋଇଆସୁଛନ୍ତି।