ଜିଲା ଶିକ୍ଷା ବ୍ୟବସ୍ଥାରେ ସୁଧାର ପ୍ରୟାସ: ଡିଏମ୍‌ଏଫ୍‌ ପାଣ୍ଠିରେ ୮୨ ଶିକ୍ଷକ ନିଯୁକ୍ତି

ଅନୁଗୋଳ ଅଫିସ, ୨୯।୮: ଅନୁଗୋଳ ଜିଲାର ଖଣି ପ୍ରଭାବିତ ଅଞ୍ଚଳରେ ଥିବା ୪୩ ସ୍କୁଲରେ ବୁଧବାର ୮୨ ଶିକ୍ଷୟିତ୍ରୀ ଶିକ୍ଷକଙ୍କୁ ନିଯୁକ୍ତି ଦିଆଯାଇଛି। ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ଚୁକ୍ତି ଭିତ୍ତିରେ ଏହି ନିଯୁକ୍ତି ପ୍ରଦାନ କରାଯାଇଥିବା ଚିଠି ନଂ. ୭୫୯୫/୧୯ରେ ସ୍ପଷ୍ଟ କରାଯାଇଛି। ନିଯୁକ୍ତି ପାଇଥିବା ସମ୍ପୃକ୍ତ ଶିକ୍ଷୟିତ୍ରୀ ଶିକ୍ଷକମାନେ ଏକ ବର୍ଷ ପାଇଁ ଶିକ୍ଷାଦାନ କରିବେ ବୋଲି ଜିଲା ଶିକ୍ଷା ଅଧିକାରୀ ସଚ୍ଚିଦାନନ୍ଦ ବେହେରା ସୂଚନା ଦେଇଛନ୍ତି। ଏହି ଏକ ବର୍ଷ ମଧ୍ୟରେ ୧୦ ମାସ କାର୍ଯ୍ୟ ଦିବସ ରହିଥିବା ଚିଠିରେ ଦର୍ଶାଯାଇଛି। ମାସକୁ ୨୦ ଦିନ କାର୍ଯ୍ୟ ହିସାବରେ ୧୦ ହଜାର ଟଙ୍କା ପାରିଶ୍ରମିକ ରଖାଯାଇଛି। ଦରମା ବାବଦରେ ଖର୍ଚ୍ଚ ହେବାକୁ ଥିବା ସମସ୍ତ ଅର୍ଥ ଜିଲା ଖଣିଜ ପାଣ୍ଠି (ଡିଏମ୍‌ଏଫ୍‌)ରୁ ପ୍ରଦାନ କରାଯିବ ବୋଲି ଜିଲା ଶିକ୍ଷା ଅଧିକାରୀ ବେହେରା ପ୍ରକାଶ କରିଛନ୍ତି।
ଶିକ୍ଷା ବିଭାଗ ପକ୍ଷରୁ ନିଆଯାଇଥିବା ଏହି ପଦକ୍ଷେପ ଯୋଗୁ ଜିଲାରେ ଖାଲି ପଡ଼ିଥିବା ବହୁ ଶିକ୍ଷକ ପଦବୀ ପୂରଣ ହୋଇପାରିବ। ନବ ନିଯୁକ୍ତ ଶିକ୍ଷୟିତ୍ରୀ ଓ ଶିକ୍ଷକମାନେ ସ୍କୁଲରେ ଗଣିତ, ବିଜ୍ଞାନ, ସାହିତ୍ୟ, ଇଂଲିଶ, ଇତିହାସ ଓ ଭୂଗୋଳ ପାଠ୍ୟକ୍ରମ ପଢ଼ାଇବେ। ମାସକୁ ୨୦ ଦିନ କାର୍ଯ୍ୟ କଲେ ଦିନକୁ ୫ଶହ ଟଙ୍କା ହିସାବରେ ୧୦ ହଜାର ଟଙ୍କା ପାରିଶ୍ରମିକ ଆକାରରେ ପାଇବେ ବୋଲି ସେମାନଙ୍କ ସହ ଚୁକ୍ତି କରାଯାଇଛି। ଏହି ଶିକ୍ଷୟିତ୍ରୀ ଶିକ୍ଷକଙ୍କୁ ଜିଲାର କୋଶଳା ଉଚ୍ଚ ବିଦ୍ୟାଳୟ, ପତିତପାବନ ଉଚ୍ଚ ବିଦ୍ୟାଳୟ ଜରପଡ଼ା, ପଞ୍ଚାୟତ ନୋଡାଲ ଉଚ୍ଚ ବିଦ୍ୟାଳୟ ବାଲିପଟା, ବ୍ରହ୍ମାବିଲ ଉଚ୍ଚ ବିଦ୍ୟାଳୟ, ଶିମିଳିପାଳ ପଞ୍ଚାୟତ ନୋଡାଲ ଉଚ୍ଚ ବିଦ୍ୟାଳୟ ସାପୁଇନାଳି, ପଦପଡ଼ା ନୋଡାଲ ଉଚ୍ଚ ବିଦ୍ୟାଳୟ, କମ୍ପାସଲା ନୋଡାଲ ଉଚ୍ଚ ବିଦ୍ୟାଳୟ, ପତାକାମୁଣ୍ଡା ନୋଡାଲ ଉଚ୍ଚ ବିଦ୍ୟାଳୟ, ରାଇଝରଣ ପଞ୍ଚାୟତ ଉଚ୍ଚ ବିଦ୍ୟାଳୟ କଙ୍କରାଇ, କନାଳୀ ଉଚ୍ଚ ବିଦ୍ୟାଳୟ, ବାହାଳାସାହି ୟୁପି-ଗ୍ରେଡେଡ୍‌ ଉଚ୍ଚ ବିଦ୍ୟାଳୟ, ବରପଦା ୟୁପି-ଗ୍ରେଡେଡ୍‌ ଉଚ୍ଚ ବିଦ୍ୟାଳୟ, ଓଗି ୟୁପି-ଗ୍ରେଡେଡ ଉଚ୍ଚ ବିଦ୍ୟାଳୟ, ନିଶା ନୋଡାଲ ୟୁପି-ଗ୍ରେଡେଡ୍‌ ଉଚ୍ଚ ବିଦ୍ୟାଳୟ, ଜରାଙ୍ଗ ଦେହୁରୀସାହି ୟୁପି-ଗ୍ରେଡେଡ ଉଚ୍ଚ ବିଦ୍ୟାଳୟ, ଦୁର୍ଗାପୁର ପଞ୍ଚାୟତ ଉଚ୍ଚ ବିଦ୍ୟାଳୟ, ସନ୍ତରାବନ୍ଧ ଉଚ୍ଚ ବିଦ୍ୟାଳୟ, କରଡ଼ା ପଞ୍ଚାୟତ ଉଚ୍ଚ ବିଦ୍ୟାଳୟ, ରାଧାମାଧବ ଉଚ୍ଚ ବିଦ୍ୟାଳୟ ବସନ୍ତପୁର, ଏନ୍‌.କେ.ଭି.ପି ସାଉଥ୍‌ ବଲଣ୍ଡା, ଦେଉଳବେଡା କୋଲିୟରୀ ନୋଡାଲ ଉଚ୍ଚ ବିଦ୍ୟାଳୟ, ଗୁରୁଜାଙ୍ଗ ଉଚ୍ଚ ବିଦ୍ୟାଳୟ, ଗୋପାଳପ୍ରସାଦ ନୋଡାଲ ଉଚ୍ଚ ବିଦ୍ୟାଳୟ, ଡଅଁରା ଉଚ୍ଚ ବିଦ୍ୟାଳୟ, ଶ୍ରୀ ଜଗନ୍ନାଥପୁର ନୋଡାଲ ଉଚ୍ଚ ବିଦ୍ୟାଳୟ, ଶ୍ରୀ ଜଗନ୍ନାଥ ନୋଡାଲ ଉଚ୍ଚ ବିଦ୍ୟାଳୟ ଲଙ୍ଗିଯୋଡ଼ି, ସନ୍ଥପଡ଼ା ନୋଡାଲ ଉଚ୍ଚ ବିଦ୍ୟାଳୟ, କୁମୁଣ୍ଡ ଉଚ୍ଚ ବିଦ୍ୟାଳୟ, ବ୍ରଜେଶ୍ୱର ଉଚ୍ଚ ବିଦ୍ୟାଳୟ ବ୍ରଜନାଥପୁର, ସରକାରୀ ନୋଡାଲ ଉଚ୍ଚ ବିଦ୍ୟାଳୟ କୁକୁଡ଼ାଇ, ବଡ଼ତ୍ରିବିଡ଼ା ନୋଡାଲ ଉଚ୍ଚ ବିଦ୍ୟାଳୟ, ସରକାରୀ ୟୁପି-ଗ୍ରେଡେଡ୍‌ ଉଚ୍ଚ ବିଦ୍ୟାଳୟ ବାରିହାପୁର, ହରିହରପୁର ୟୁପି-ଗ୍ରେଡେଡ୍‌ ଉଚ୍ଚ ବିଦ୍ୟାଳୟ, ରିଜିଓନାଲ ଉଚ୍ଚ ବିଦ୍ୟାଳୟ ଗନ୍ଧବେରଣା, କୋଲିୟରୀ ଉଚ୍ଚ ବିଦ୍ୟାଳୟ ଡେରା, ବନେଶ୍ୱରୀ ଉଚ୍ଚ ବିଦ୍ୟାଳୟ ଡେରେଙ୍ଗ, ସନ୍ତ୍ରୀବିଡ଼ା ଉଚ୍ଚ ବିଦ୍ୟାଳୟ, ସରକାରୀ ବାଳିକା ଉଚ୍ଚ ବିଦ୍ୟାଳୟ ତାଳଚେର, ପି.ଏମ୍‌. ଉଚ୍ଚ ବିଦ୍ୟାଳୟ କଣିହଁା, ବାଗେଡ଼ିଆ ଉଚ୍ଚ ବିଦ୍ୟାଳୟ, ରାଇଝରଣ ଉଚ୍ଚ ବିଦ୍ୟାଳୟ, କୁକୁଡ଼ୁଲ ଉଚ୍ଚ ବିଦ୍ୟାଳୟ, ଶ୍ରୀ ଜଗନ୍ନାଥ ଉଚ୍ଚ ବିଦ୍ୟାଳୟ ବଡ଼ଗୁଣ୍ଡୁରୀରେ ଚୁକ୍ତି ଭିତ୍ତିରେ ନିଯୁକ୍ତି କରାଯାଇଛି।