ସାଗର,୨୨।୬: ମଧ୍ୟପ୍ରଦେଶର ସାଗର ଜିଲାରେ ଘଟିଛି ଏକ ଅଭାବନୀୟ ଘଟଣା। ଏଠାରେ ଡାକ୍ତରଙ୍କର ଏକ ଖାମଖିଆଲି ମନୋଭାବ ଦେଖିବାକୁ ମିଳିଛି। ଜଣେ ଜୀବିତ ବୃଦ୍ଧଙ୍କୁ ଡାକ୍ତର ମୃତ ଘୋଷଣା କରିବା ସହ ତାଙ୍କୁ ପୋଷ୍ଟମର୍ଟମ ପାଇଁ ପଠାଇ ଦେଇଥିବା ପ୍ରକାଶ। ପୋଲିସର ସୂଚନା ମୁତାବକ, କାଶିରାମ(୭୨) ନାମକ ଜଣେ ବୃଦ୍ଧଙ୍କର ଜିଲା ହସ୍ପିଟାଲରେ ଚିକିତ୍ସା ଚାଲୁଥିବା। ଗୁରୁବାର ରାତିରେ ଡାକ୍ତର ତାଙ୍କୁ ମୃତ ଘୋଷଣା କରିବା ସହ ପୋଷ୍ଟମର୍ଟମ କରିବାକୁ ଲେଖିଦେଇଥିଲେ। ପୋଲିସ ପହଞ୍ଚି ଦେଖିବା ବେଳେକୁ ବୃଦ୍ଧ ଜଣଙ୍କର ନିଃଶ୍ୱାସ ପ୍ରଶ୍ୱାସ ଚାଲୁଥିଲା। ଏହାପରେ ତାଙ୍କୁ ପୁଣିଥରେ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଶୁକ୍ରବାର ସକାଳ ପ୍ରାୟ ୧୦ଟା ୨୦ରେ ତାଙ୍କର ମୃତ୍ୟୁ ହୋଇଥିବା ପୋଲିସ କହିଛି। ତେବେ ଡାକ୍ତରଙ୍କ ଖାମଖିଆଲି ମନୋଭାବକୁ ନେଇ ଏବେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।