ଲୋଇସିଂହା,୬ା୫(ଡି.ଏନ୍.ଏ.): ବଲାଙ୍ଗୀର ଜିଲା ଲୋଇସିଂହା ଥାନା ଅଧୀନ ଆଗଲପୁର ବ୍ଲକ ଅନ୍ତର୍ଗତ କଠିପାଲି ଛକଠାରେ ଚାଲିଥିବା ଜୁଆ ଆଡ୍ଡା ଉପରେ ମଙ୍ଗଳବାର ଅପରାହ୍ନରେ ଲୋଇସିଂହା ପୋଲିସ ଚଢ଼ାଉ କରିଥିଲା। ଜୁଆ ଆଡ୍ଡାରୁ ୯ ହଜାର ୬୫୦ ଟଙ୍କା, ୪ ବାଇକ୍,୫ ମୋବାଇଲ,ତାସ୍ ସମେତ ୪ ଜଣ ଜୁଆଡ଼ିଙ୍କୁ ଗିରଫ କରିଥିଲା। ଗିରଫ ଅଭିଯୁକ୍ତମାନେ ହେଲେ ପ୍ରଭାକର ପଣ୍ଡା,ବେଣୁଧର ପଣ୍ଡା, ଶ୍ୟାମସୁନ୍ଦର ଦଣ୍ଡସେନା ଓ ଗଙ୍ଗାଧର ମେହେର। ଗିରଫ ଅଭିଯୁକ୍ତମାନଙ୍କୁ ବୁଧବାର କୋର୍ଟଚାଲାଣ କରାଯାଇଛି। ପୋଲିସକୁ ବିଶ୍ୱସ୍ତସୂତ୍ରରୁ ସୂଚନା ମିଳିବା ପରେ ଡିଏସ୍ପି ସୁମନ ରଞ୍ଜିତା ସିଂ, ଆଇଆଇସି ଲଳିତା ଲାକ୍ରା ଓ ଷ୍ଟାଫ୍ ଚଢ଼ାଉ କରି ଜୁଆରେ ବ୍ୟବହୃତ ସାମଗ୍ରୀ ଓ ୪ ଜୁଆଡ଼ିଙ୍କୁ ଗିରଫ କରିଥିଲେ। ଏନେଇ କେସ୍ ନଂ. ୧୫୫/୨୦ରେ ଏକ ମାମଲା ରୁଜୁ ହୋଇଥିବା ଆଇଆଇସି କହିଛନ୍ତି।