ଆଭୂଷଣ ବା ଜୁଏଲେରି ନାରୀ ସୌନ୍ଦର୍ଯ୍ୟକୁ ଆହୁରି ଆକର୍ଷଣୀୟ କରିଥାଏ। ବିଶେଷକରି ପୂଜାପାର୍ବଣ ଅବସରରେ ପାରମ୍ପରିକ ପୋଷାକ ସହିତ ଶରୀରରେ ନାନାଦି ଆଭୂଷଣ ପିନ୍ଧିଲେ ଲୁକ୍ ବେଶ୍ ଗର୍ଜିୟସ୍ ଲାଗେ। ଏବେ ତ ମା’ଦୁର୍ଗାଙ୍କ ମୁଖ ଥିବା ବିଭିନ୍ନ ଜୁଏଲେରି ବି ମିଳିଲାଣି; ଯାହାକୁ ଟ୍ରାଏ କରି ଆକର୍ଷଣୀୟ ପୂଜା ଲୁକ୍ ପାଇହେବ…
* ଟେରାକୋଟା ମା’ ଦୁର୍ଗା ଜୁଏଲେରି: ଟେରାକୋଟାରେ ତିଆରି ଏହା ଏକ ସୁନ୍ଦର ହାଣ୍ଡକ୍ରାଫ୍ଟ ଜୁଏଲେରି। ଏହା ନେକ୍ଲେସ୍ ଓ ଇୟର୍ ରିଂ ସେଟ୍ରେ ଆସିଥାଏ; ଯେଉଁଥିରେ ମା’ ଦୁର୍ଗାଙ୍କର ଆକର୍ଷଣୀୟ ମୁଁହର ଡିଜାଇନ ହୋଇଥିବା ଦେଖିବାକୁ ମିଳେ। ଏହି ଟାଇପ୍ର ଜୁଏଲେରି ପର୍ବପର୍ବାଣି ସମୟରେ ଶାଢ଼ି କିମ୍ବା ବୋଟ ନେକ୍ ଅଥବା ଅଫ୍ ସୋଲ୍ଡର୍ ଡ୍ରେସ୍ ସହିତ ବେଶ୍ ଭଲ ମାନିଥାଏ। ତେବେ ଏହି ଜୁଏଲେରି ବ୍ୟବହାର କରିବାବେଳେ ଧ୍ୟାନଦେବେ ଏହା ଯେମିତି କୌଣସି ପ୍ରକାରର କେମିକାଲ୍ ତଥା ପାଣି ସଂସ୍ପର୍ଶରେ ନ ଆସେ, ଖାସ୍ କରି ପରଫ୍ୟୁମ୍ କିମ୍ବା ବଡି ସ୍ପ୍ରେ ସଂସ୍ପର୍ଶରେ ନଆସିବା ଭଲ। ସେହିପରି ଏହି ଜୁଏଲେରିକୁ ବଟର୍ ପେପର୍ କିମ୍ବା କଟନ୍ କପଡାରେ ଠିକ୍ ଭାବେ ର଼୍ୟାପ୍ କରି ରଖିଲେ ଏହା ଅନେକ ଦିନ ପର୍ଯ୍ୟନ୍ତ ଅକ୍ଷତ ଅବସ୍ଥାରେ ରହିଥାଏ।
* ଜୁଟ୍ ଦୁର୍ଗା ମା’ ଜୁଏଲେରି: ଜୁଟ୍ ଓ କ୍ଲେ ର ମିଳିତ ଡିଜାଇନ୍ରେ ତିଆରି ହୋଇଥାଏ ମା’ ଦୁର୍ଗାଙ୍କର ମୁହଁ ଥିବା ଏହି ଟ୍ରାଡିଶନାଲ୍ ଜୁଏଲେରି। ଏହାର ନେକ୍ଲେସ୍ ଓ ଇୟର୍ ରିଂ ସେଟ୍ ମଧ୍ୟ ଆସିଥାଏ। ଏହି ଟାଇପ୍ର ଜୁଏଲେରିକୁ ନବରାତ୍ରି ଓ ଦଶହରା ସମୟରେ ବେଙ୍ଗଲି କଟନ୍ ଶାଢ଼ି ହେଉ ବା ଜୁଟ୍ ଶାଢ଼ି ସହିତ ମ୍ୟାଚିଂ କରି ପିନ୍ଧିଲେ ଲୁକ୍ ବେଶ୍ ଆକର୍ଷଣୀୟ ଲାଗିଥାଏ। ଏହି ଜୁଏଲେରିକୁ ମଧ୍ୟ ପାଣି ସଂସ୍ପର୍ଶରେ ଆଣିବା ଠିକ୍ ନୁହେଁ। ଯଦି ପିନ୍ଧିବା ସମୟରେ ଝାଳ ବାହାରୁଥାଏ, ତା’ହେଲେ ତୁରନ୍ତ ଝାଳକୁ ପୋଛିଦେବେ।
* କଉଡ଼ି ଜୁଏଲେରିରେ ବି ମା’ ଦୁର୍ଗା: ଏମିତି ବି କିଛି ନେକ୍ଲେସ୍ ଅଛି, ଯାହାକୁ ଜୁଟ୍ ଆଉ କ୍ଲେ ମିଶାଇ ତିଆରି କରାଯାଇଥାଏ। ସେଥିରେ କିଛି କଉଡ଼ିକୁ ଲଗାଇ ତାହାର ଲୁକ୍କୁ ଆଉ ଟିକେ ଆକର୍ଷଣୀୟ କରି ଦିଆଯାଏ। ଏହାବାଦ କ୍ଲେରେ ତିଆରି ମା’ ଦୁର୍ଗାଙ୍କର ମୁହଁଙ୍କୁ ପେଣ୍ଡେଣ୍ଟ ହିସାବରେ ମଧ୍ୟ ଲଗାଯାଇଥାଏ; ଯାହା ଦେଖିବାକୁ ବେଶ୍ ସୁନ୍ଦର ଲାଗେ। ଏହି ଟାଇପ୍ର ଜୁଏଲେରିକୁ ଶାଢ଼ି ହେଉ କିମ୍ବା ଯେ କୌଣସି ଟ୍ରାଡିଶନାଲ୍ ଆଉଟ୍ଫିଟ୍ ସହ ଟ୍ରାଏ କଲେ ଟ୍ରେଣ୍ଡି ପୂଜା ଲୁକ୍ ମିଳେ।
* କଟନ୍ କପଡ଼ାରେ ମା’ ଦୁର୍ଗା: ସାଧାରଣ କଟନ୍ କପଡ଼ାକୁ କାଟିକୁଟି ତାକୁ ନେକ୍ଲେସ୍ ଡିଜାଇନ୍ ଦେଇ ତା’ ଉପରେ କ୍ଲେରେ ତିଆରି ମା’ ଦୁର୍ଗାଙ୍କର ଏକ ଛୋଟ ମୁହଁକୁ ଅଠା ଦେଇ ଲଗାଇଦେଲେ ତାହା ଟିକେ ଭିନ୍ନ ଦେଖାଯାଇଥାଏ। ଖୁବ୍ କର୍ମ ଖର୍ଚ୍ଚରେ ଏହାକୁ ଘରେ ତିଆରି କରିହୁଏ। କଟନ୍ ଶାଢ଼ି ସାଙ୍ଗକୁ ଏହି ଟାଇପ୍ର ଜୁଏଲେରି ବେଶ୍ ସୁନ୍ଦର ଦେଖାଯାଇଥାଏ।