ନୂଆଦିଲ୍ଲୀ, ୧୭ା୭ (ପି.ଟି.)-ଜର୍ମାନୀର ସୁଲ୍ଠାରେ ଚାଲିଥିବା ଆଇଏସ୍ଏସ୍ଏଫ୍ ଜୁନିୟର ଶୁଟିଂ ବିଶ୍ୱକପ୍ରେ ବିଜୟବୀର ସିଦ୍ଧୁ ତାଙ୍କର ତୃତୀୟ ସ୍ବର୍ଣ୍ଣ ପଦକ ଲାଭ କରିଛନ୍ତି। ସେ ଏବଂ ରାଜକନଓ୍ବର ସିଂ ସାନ୍ଧୁ ଓ ଆଦର୍ଶ ସିଂଙ୍କୁ ନେଇ ଭାରତୀୟ ଦଳ ୨୫ ମିଟର ପୁରୁଷ ଇଭେଣ୍ଟ ଜିତିଛନ୍ତି। ପ୍ରତିଯୋଗିତାରେ ଆଦର୍ଶଙ୍କ ପାଇଁ ଏହା ହେଉଛି ଦ୍ୱିତୀୟ ସ୍ବର୍ଣ୍ଣ। ମଙ୍ଗଳବାର ଥିଲା ପ୍ରତିଯୋଗିତାର ତୃତୀୟ ଦିବସ। ଭାରତ ଏପର୍ଯ୍ୟନ୍ତ ୭ ସ୍ବର୍ଣ୍ଣ ସହ ମୋଟ ୧୬ ପଦକ ସହ ଟେବୁଲର ଶୀର୍ଷରେ ରହିଛି। ମଙ୍ଗଳବାର ଭାରତ ଏହାର ଦ୍ୱିତୀୟ ପଦକ ୧୦ ମିଟର ଏୟାର ରାଇଫଲ ଇଭେଣ୍ଟରେ ପାଇଥିଲା। ହୃଦୟ ହଜାରିକା, ୟାଶ ବର୍ଦ୍ଧନ ଏବଂ ପାର୍ଥ ମାଖିଜାଙ୍କୁ ନେଇ ଭାରତୀୟ ଟିମ୍ ମୋଟ ୧୮୭୭.୪ ପଏଣ୍ଟ ସ୍କୋର କରି ରୌପ୍ୟ ଜିତିଥିଲା। ସ୍ବର୍ଣ୍ଣ ଜିତିଥିବା ଚାଇନିଜ ଟିମ୍ଠାରୁ ମାତ୍ର 0.୪ପଏଣ୍ଟ ପଛରେ ରହିଥିଲା। ଏହି ପ୍ରକ୍ରିୟାରେ ଚାଇନା ଜୁନିୟର ବିଶ୍ୱରେକର୍ଡ ସମକକ୍ଷ ହୋଇଥିଲା।