ଭୁବନେଶ୍ୱର,୨୪।୫(ବ୍ୟୁରୋ)-ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ)ର ଅନ୍ଲାଇନ୍ ପରୀକ୍ଷା ଆସନ୍ତା ଜୁନ୍ ୮ ଓ ୯ରେ ଅନୁଷ୍ଠିତ ହେବ। ୮ତାରିଖରେ ଏମ୍.ଟେକ୍, ଏମ୍.ଆର୍କ, ଏମ୍ସିଏ, ଏଲ୍ଇ-ଏମ୍ସିଏ, ଏମ୍.ଫାର୍ମ, ଏମ୍.ପ୍ଲାନ୍ ଆଦି ବିଷୟରେ ପରୀକ୍ଷା ହେବ। ସେହିପରି ୯ତାରିଖରେ ଏମ୍ବିଏ ପରୀକ୍ଷା ହେବ। ଏ ନେଇ ଗୁରୁବାର ଓଜେଇଇ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି। ଆସନ୍ତା ୨୭ତାରିଖଠାରୁ www.ojee.nic.inରେ ଆଡ୍ମିଟ୍ କାର୍ଡ ଉପଲବ୍ଧ ହେବ। ତେବେ କେଉଁ ସିଫ୍ଟ ଓ କେଉଁ ସମୟରେ ପରୀକ୍ଷା ହେବ, ତାହା ପରୀକ୍ଷାର୍ଥୀମାନେ ନିଜ ନିଜ ଆଡ୍ମିଟ୍ କାର୍ଡରେ ସୂଚନା ପାଇପାରିବେ। ସୂଚନାଯୋଗ୍ୟ, ମେ ୧୩ରେ ଓଜେଇଇର ଅନ୍ଲାଇନ୍ ପରୀକ୍ଷା ହେବାର ଥିଲା। କିନ୍ତୁ ବାତ୍ୟା ‘ଫନୀ’ ଯୋଗୁ ପରୀକ୍ଷା ଘୁଞ୍ଚାଯାଇଥିଲା।