ନୂଆଦିଲ୍ଲୀ, ୭ା୪ (ପି.ଟି.)-କୋଭିଡ୍-୧୯ ମହାମାରୀ ପାଇଁ ବ୍ୟାଡ୍ମିଣ୍ଟନ ଓ୍ବାଲର୍ଡ ଫେଡେରେଶନ (ବିଡବ୍ଲ୍ୟୁଏଫ୍) ଆସନ୍ତା ମେ ମାସରୁ ଜୁଲାଇ ପର୍ଯ୍ୟନ୍ତ ଏହାର ସମସ୍ତ ଟୁର୍ନାମେଣ୍ଟକୁ ସସ୍ପେଣ୍ଡ କରିଛି। ଏଥିରେ ଏଚ୍ଏସ୍ବିସି ବିଡବ୍ଲ୍ୟୁଏଫ୍ ଓ୍ବାଲର୍ଡ ଟୁର୍, ବିଡବ୍ଲ୍ୟୁଏଫ୍ ଟୁର୍ ଏବଂ ଅନ୍ୟ ବିଡବ୍ଲ୍ୟୁଏଫ୍ ସ୍ବୀକୃତିପ୍ରାପ୍ତ ଟୁର୍ନାମେଣ୍ଟ ରହିଛି। ହୋଷ୍ଟ ମେମ୍ବର ଆସୋସିଏଶନ୍ସ (ଏଚ୍ଏମ୍ଏ) ଏବଂ କଣ୍ଟିନେଣ୍ଟାଲ କନଫେଡେରେଶନ (ସିସି) ସହିତ ଆଲୋଚନା ପରେ ବିଡବ୍ଲ୍ୟୁଏଫ୍ ସୋମବର ଏହି ନିଷ୍ପତ୍ତି ନେଇଛି। ଏହି ସମୟକାଳ ମଧ୍ୟରେ ସବୁଠାରୁ ପ୍ରଭାବିତ ହୋଇଥିବା ଟୁର୍ନାମେଣ୍ଟ ହେଉଛି ଇଣ୍ଡୋନେସିଆ ଓପନ୍ ୨୦୨୦ (ସୁପର ୧୦୦୦)। ବର୍ତ୍ତମାନ ପାଇଁ ର଼୍ୟାଙ୍କିଙ୍ଗ ବ୍ୟବସ୍ଥାକୁ ପୁଣି ସ୍ଥିର ରଖାଯାଇଛି। ଟୁର୍ନାମେଣ୍ଟ ଆରମ୍ଭ ହେବାପରେ ପୁଣି ଏହା କାର୍ଯ୍ୟକ୍ଷମ ହେବ ବୋଲି ବିଡବ୍ଲ୍ୟୁଏଫ୍ କହିଛି। ବାତିଲ ହୋଇଥିବା ଟୁର୍ନାମେଣ୍ଟ ତାଲିକା ନିମ୍ନରେ ପ୍ରଦାନ କରାଗଲା-
ଗ୍ରେଡ୍-୨ ଇଣ୍ଟରନ୍ୟାଶନାଲ ଟୁର୍ନାମେଣ୍ଟ
୧. ଅଷ୍ଟ୍ରେଲିଆନ ଓପନ୍ ୨୦୨୦ (ଜୁନ୍ ୨ରୁ ୭)
୨. ଥାଇଲାଣ୍ଡ ଓପନ୍୍ (ଜୁନ୍ ୯ ରୁ ୧୪)
୩. ଇଣ୍ଡୋନେସିଆ ଓପନ୍ (ଜୁନ୍ ୧୬ରୁ ୨୧)
୪. ରଷିଆନ ଓପନ୍ ( ଜୁଲାଇ ୭ରୁ ୧୨)
ଗ୍ରେଡ୍-୩, ଜୁନିୟର ଓ ପାରା ବ୍ୟାଡ୍ମିଣ୍ଟନ
୧. ଡେନମାର୍କ ଚ୍ୟାଲେଞ୍ଜ (ମେ ୭ରୁ ୧୦)
୨. ସ୍ଲୋଭେନିଆ ଇଣ୍ଟରନ୍ୟାଶନାଲ (ମେ ୧୩ରୁ ୧୬)
୩. ଲାଟଭିଆ ଇଣ୍ଟରନ୍ୟାଶନାଲ (ମେ ୨୮ରୁ ୩୧)
୪. ଭିଏତ୍ନାମ ଇଣ୍ଟରନ୍ୟାଶନାଲ (ଜୁନ୍ ୨ରୁ ୭)
୫. ଲିଥୁଆନିଆ ଇଣ୍ଟରନ୍ୟାଶନାଲ (ଜୁନ୍ ୪ରୁ ୭)
୬. କାନାଡା ପାରା ବ୍ୟାଡ୍ମିଣ୍ଟନ ଇଣ୍ଟରନ୍ୟାଶନାଲ (ଜୁନ୍ ୯ରୁ ୧୪)
୭. ରଷିଆନ ଇଣ୍ଟରନ୍ୟାଶନାଲ ଜୁନିୟର
ହ୍ବାଇଟ୍ ନାଇଟ୍ସ (ଜୁନ୍ ୨୫ରୁ ୨୮)
୮. ହ୍ବାଇଟ ନାଇଟ୍ସ (ଜୁଲାଇ ୧ରୁ ୫)
୯. ଅଲ୍ ଇଂଲଣ୍ଡ ଜୁନିୟର ବ୍ୟାଡ୍ମିଣ୍ଟନ ଚାମ୍ପିୟନଶିପ୍ (ଜୁଲାଇ ୧୬ରୁ ୧୯)।
