ଭୁବନେଶ୍ୱର, ୨୧।୧(ବ୍ୟୁରୋ): ନିକଟରେ ପ୍ରକାଶ ପାଇଥିବା ଜେଇଇ ମେନ୍ ପରୀକ୍ଷାରେ ୯୯.୯୯ ପ୍ରତିଶତ ରଖି ଉତ୍ତୀର୍ଣ୍ଣ ହୋଇଛନ୍ତି ଓଡ଼ିଶାର ଉଜ୍ଜ୍ୱଳ ଜ୍ୟୋତି ପଣ୍ଡା। ଶତ ପ୍ରତିଶତ ମାର୍କ ରଖିଥିବା ୯ ଛାତ୍ରୀଛାତ୍ରଙ୍କୁ ବାଦ୍ ଦେଲେ ଓଡ଼ିଶା ସମେତ ଅନ୍ୟ ରାଜ୍ୟର ଟପ୍ପରମାନଙ୍କ ଠାରୁ ସେ ଅଧିକ ନମ୍ବର ରଖିଛନ୍ତି। ଉଜ୍ଜ୍ୱଳ ହେଉଛନ୍ତି ରାଉରକେଲା ଷ୍ଟିଲ ପ୍ଲାଣ୍ଟର ଜେନେରାଲ ମ୍ୟାନେଜର ବିରଞ୍ଚତ୍ ନାରାୟଣ ପଣ୍ଡାଙ୍କ ପୁତ୍ର। ଉଜ୍ଜ୍ୱଳ ଏବେ ରାଜସ୍ଥାନର କୋଟାରେ ଅଧ୍ୟୟନ କରୁଛନ୍ତି। ପୂର୍ବରୁ ସେ ଏନ୍ଟିଏସ୍ଇ ଏବଂ କେଭିପିୱାଇ ବୃତ୍ତି ପାଇଛନ୍ତି। ଏଥିସହ ସିଙ୍ଗାପୁରରେ ଅନୁଷ୍ଠିତ ଏସ୍ଏଏସ୍ଏମ୍ଓ ପ୍ରତିଯୋଗିତାରେ ଦୁଇଥର ସ୍ବର୍ଣ୍ଣ ପଦକ ଜିତିଛନ୍ତି।