ନୂଆଦିଲ୍ଲୀ,୧୮।୮: ଅନୁଚ୍ଛେଦ ୩୭୦ ହଟାଇବାକୁ ନେଇ ଭାଜପା ନେତା ହଂସ ରାଜ ହଂସ ବଡ ବୟାନ ଦେଇଛନ୍ତି। ଦିଲ୍ଲୀସ୍ଥିତ ଜବାହରଲାଲ ନେହେରୁ ୟୁନିଭର୍ସିଟି(ଜେଏନ୍ୟୁ)ର ଏକ କାର୍ଯ୍ୟକ୍ରମରେ ଯୋଗ ଦେଇ ସେ କହିଛନ୍ତି ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ କରାଯିବା ମୋଦି ସରକାରଙ୍କ ଭଲ ପଦକ୍ଷେପ। ଏହାପରେ ଏଠି ସମସ୍ତେ ଶାନ୍ତିରେ ରୁହନ୍ତୁ, ବୋମା ନ ଫୁଟୁ। କାରଣ ଆମ ପୂର୍ବଜମାନେ ଯେଉଁ ଭୁଲ୍ କରିଛନ୍ତି ତା’ର ପରିଣାମ ଆମେ ଭୋଗ କରୁଛୁ। ଏବେ ଜେଏନ୍ୟୁର ନାମରେ ପରିବର୍ତ୍ତନ କରାଯାଉ ବୋଲି ସେ କହିଛନ୍ତି। ଏହାର ନାମ ପରିବର୍ତ୍ତନ କରି ଏମ୍ଏନ୍ୟୁ କରାଯାଉ କାରଣ ମୋଦି ଜୀଙ୍କ ନାଁରେ ବି କିଛି ହେବା ଦରକାର ବୋଲି ସେ କହିଛନ୍ତି।
