ନୂଆଦିଲ୍ଲୀ,୧୩।୧: ଜେଏନ୍ୟୁ ହିଂସା ମାମଲାରେ ତଥ୍ୟ ସୁରକ୍ଷିତ ରଖିବାକୁ ଦିଲ୍ଲୀ ହାଇକୋର୍ଟ ପକ୍ଷରୁ ଫେସ୍ବୁକ୍-ହ୍ବାଟସ୍ଆପ୍-ଆପଲ-ଗୁଗୁଲକୁ ନୋଟିସ୍ ଜାରି କରାଯାଇଛି। ୩ ଜଣ ପ୍ରଫେସର ସିସିଟିଭି ତଥ୍ୟକୁ ସୁରକ୍ଷିତ ରଖିବା ଲାଗି ହାଇକୋର୍ଟରେ ଆବେଦନ କରିଥିଲେ। ଏହାର ଶୁଣାଣି କରି ସୋମବାର କୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି। ମଙ୍ଗଳବାର ଅପରାହ୍ନ ୩ ସୁଦ୍ଧା ଫେସ୍ବୁକ୍-ହ୍ବାଟସ୍ଆପ୍-ଆପଲ-ଗୁଗୁଲଠାରୁ କୋର୍ଟ ଏନେଇ ମତାମତ ଲୋଡ଼ିଛନ୍ତି। ସୂଚନାଯୋଗ୍ୟ, ଛାତ୍ରୀଛାତ୍ରଙ୍କ ସୁବିଧା ପାଇଁ ସେମିଷ୍ଟର ରେଜିଷ୍ଟ୍ରେଶନ୍ ଅନ୍ତିମ ତାରିଖକୁ ଜାନୁୟାରୀ ୧୫ ପର୍ଯ୍ୟନ୍ତ ବଢ଼ାଇ ଦିଆଯାଇଛି।