କଟକ,୨୪-୪:ପ୍ରମୁଖ ଦୁଇଚକିଆ ଯାନ ନିର୍ମାତା ହିରୋ ମୋଟୋକର୍ପ ଲିମିଟେଡର ଅଧିକୃତ ବିକ୍ରେତା ଜେଏମ୍ଜି ହିରୋ ପକ୍ଷରୁ ଗୁଡ୍ ଲାଇଫ ଗ୍ରାହକମାନଙ୍କୁ ନେଇ ଏକ ସମ୍ମିଳନୀ ଅନୁଷ୍ଠିତ ହୋଇ ଯାଇଛି। ଉଲ୍ଲେଖନୀୟ ସଫଳତା ହାସଲ କରିଥିବା ୭୦ ଜଣଙ୍କୁ ଏଠାରେ କମ୍ପାନୀ ପକ୍ଷରୁ ପୁରସ୍କୃତ କରାଯାଇଛି। ଜେଏମ୍ଜି ଅଟୋମୋବାଇଲର ସ୍ବତ୍ୱାଧିକାରୀ ପ୍ରଦୀପ ଅଗ୍ରଓ୍ବାଲ ଉପସ୍ଥିତ ରହି ଗ୍ରାହକଙ୍କୁ ସମ୍ବର୍ଦ୍ଧିତ କରିଥିଲେ। କମ୍ପାନୀର ଗୁଡ୍ଲାଇଫ ଯୋଜନା ଗ୍ରାହକଙ୍କ ପାଇଁ କାର୍ଯ୍ୟକାରୀ କରାଯାଇଥିବା ଅଗ୍ରଓ୍ବାଲ କହିଛନ୍ତି। ଏହା ଦ୍ୱାରା ସେବା, ବିକ୍ରି ଓ ଯନ୍ତ୍ରାଂଶ କ୍ରୟ ଉପରେ ଗ୍ରାହକ ପଏଣ୍ଟ ଲାଭ କରିପାରିବେ। ନିର୍ଦ୍ଦିଷ୍ଟ କିଛି ପଏଣ୍ଟ ଅନୁସାରେ ଗ୍ରାହକମାନେ ବିଭିନ୍ନ ଉପହାର ଏହା ଦ୍ୱାରା ଲାଭ କରିପାରିବେ। ସେହିଭଳି ଗ୍ରାହକମାନେ ହିରୋର ଗାଡି କିଣିବା ଲାଗି ଅନ୍ୟ ମାନଙ୍କୁ ଉତ୍ସାହିତ କଲେ ମଧ୍ୟ ପଏଣ୍ଟ ଲାଭ କରିପାରିବେ। ଗ୍ରାହକଙ୍କ ସହ ଯୋଡି ହୋଇ ରହିବା ଲାଗି ଏହା ଏକ ଯୋଜନା ବୋଲି ଅଗ୍ରଓ୍ବାଲ ପ୍ରକାଶ କରିଛନ୍ତି।