ନୂଆଦିଲ୍ଲୀ,୨୭।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଦେଶ ଗସ୍ତରୁ ଫେରି ମଙ୍ଗଳବାର ପୂର୍ବାହ୍ନରେ ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ କୈଳାସ କଲୋନୀ ସ୍ଥିତ ବାସଭବନରେ ପହଞ୍ଚି ତାଙ୍କ ସ୍ତ୍ରୀ ସଙ୍ଗୀତା ଜେଟଲୀ, ଝିଅ ସୋନାଲୀ ଏବଂ ପୁଅ ରୋହନଙ୍କୁ ଭେଟିଛନ୍ତି। ସେ ଶୋକ ସନ୍ତପ୍ତ ପରିବାରଙ୍କୁ ସ୍ବାନ୍ତନା ଦେଇଛନ୍ତି। ମୋଦିଙ୍କ ସହିତ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ମଧ୍ୟ ଜେଟଲୀଙ୍କ ଘରେ ପହଞ୍ଚିଥିଲେ। ସୂଚନାଯୋଗ୍ୟ, ଜେଟଲୀଙ୍କ ଅନ୍ତିମ ସଂସ୍କାର ସମୟରେ ପ୍ରଧାନମନ୍ତ୍ରୀ ବିଦେଶ ଗସ୍ତରେ ଥିବାରୁ ଏଥିରେ ଯୋଗ ଦେଇ ପାରି ନ ଥିଲେ।