ଲେକ୍ସିଙ୍ଗଟନ୍, ୧୮ା୮ (ଏପି)- ଆମେରିକାର ଜେନିଫର ବ୍ରାଡି ତାଙ୍କ କ୍ୟାରିୟରର ପ୍ରଥମ ଡବ୍ଲ୍ୟୁଟିଏ ଟାଇଟଲ ହାସଲ କରିଛନ୍ତି। ଏଠାରେ ଚାଲିଥିବା ଟପ୍ସିଡ୍ ଓପନ୍ ଟେନିସ ଟୁର୍ନାମେଣ୍ଟ ଫାଇନାଲରେ ସେ ଜିଲ୍ ଟିଚ୍ମାନଙ୍କୁ ୬-୩, ୬-୪ ସେଟ୍ରେ ହରାଇ ଦେଇଛନ୍ତି। କରୋନା ଭାଇରସ୍ ଆବିର୍ଭାବ ପରେ ଯୁକ୍ତରାଷ୍ଟ୍ର ଆମେରିକାରେ ଏହାଥିଲା ପ୍ରଥମ ପ୍ରଫେସନାଲ ଟେନିସ ଟୁର୍ନାମେଣ୍ଟ। ଖେଳ ଦେଖିବା ଲାଗି ଦର୍ଶକଙ୍କୁ ଅନୁମତି ନ ଥିଲା। ଏହି ଅସ୍ବାଭାବିକ ପରିବେଶ ୨୫ ବର୍ଷୀୟା ବ୍ରାଡିଙ୍କ ଉପରେ କୌଣସି ପ୍ରଭାବ ପକାଇ ନ ଥିଲା। ଏହି ଟୁର୍ନାମେଣ୍ଟରେ ଭାଗ ନେବା ପୂର୍ବରୁ ବିଶ୍ୱ ର଼୍ୟାଙ୍କିଙ୍ଗରେ ବ୍ରାଡି ୪୯ତମ ସ୍ଥାନରେ ରହିଥିଲେ। ହାର୍ଡକୋର୍ଟ ଇଭେଣ୍ଟରେ ସେ ଗୋଟିଏ ହେଲେ ସେଟ୍ ଡ୍ରପ୍ କରି ନ ଥିଲେ। ନ୍ୟୁୟର୍କରେ ୟୁଏସ୍ ଓପନ୍ ଅଗଷ୍ଟ ୩୧ରୁ ଆରମ୍ଭ ହେବ। ଏଠାରେ ଚାମ୍ପିୟନ ହେବାପରେ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାରେ ସିଡ୍ଖେଳାଳିର ମାନ୍ୟତା ପାଇବା ଦୌଡ଼ରେ ଅଛନ୍ତି।
