ବଲିଉଡ୍ ଅଭିନେତ୍ରୀ ତଥା ଆଇଟମ୍ ଗର୍ଲ ମଲାଇକା ଅରୋରାଙ୍କର ବର୍ତ୍ତମାନ ଅଭିନୟରେ କୌଣସି ଆଗ୍ରହ ନାହିଁ। ତେବେ ଯଦି ଜେମ୍ସ ବଣ୍ଡ ଫିଲ୍ମରେ କାମ କରିବାର ସୁଯୋଗ ମିଳେ ନିଶ୍ଚିନ୍ତ କରିବେ ବୋଲି ସେ କହିଛନ୍ତି। ନିକଟରେ ଏକ ସାକ୍ଷାତକାରରେ ସେ ଏପରି କହିଛନ୍ତି। ସେ କହିଛନ୍ତି ଯେ, ତାଙ୍କୁ ବର୍ତ୍ତମାନେ ଅନେକ ସିନେମାରେ ଅଫର ମିଳିଛି। ମାତ୍ର ତାଙ୍କର ଅଭିନୟରେ କୌଣସି ଆଗ୍ରହ ନାହିଁ। ଏବେ ସେ ଛୋଟ ପରଦାରେ କାମ କରି ଖୁସି ଅଛନ୍ତି।
ବର୍ତ୍ତମାନ ମଲାଇକା ନୃତ୍ୟ ରିଆଲିଟି ଶୋ’ ‘ଇଣ୍ଡିୟାଜ୍ ବେଷ୍ଟ ଡ୍ୟାନ୍ସର’ ରେ ଜଜ୍ ଭୂମିକାରେ ଦର୍ଶକଙ୍କ ସମ୍ମୁଖକୁ ଆସୁଛନ୍ତି। ପୂର୍ବରୁ ସେ ‘ଝଲକ୍ ଦିଖ୍ଲା ଯା’, ‘ଇଣ୍ଡିୟାଜ୍ ଗର୍ଟ ଟ୍ୟାଲେଣ୍ଟ’ ଆଦି ଶୋ’ରେ ନଜର ଆସି ସାରିଛନ୍ତି।