ନୂଆଦିଲ୍ଲୀ,୨୯।୭: ଦେଶର ବିଭିନ୍ନ ଜେଲ୍ରେ ବନ୍ଦୀ ଥିବା ମୁସଲମାନ୍ ଯୁବକଙ୍କୁ ଏବେ ଆତଙ୍କବାଦୀ ସଂଗଠନ ଟାର୍ଗେଟ୍ କରିଛନ୍ତି। ସେମାନଙ୍କର ବ୍ରେନ୍ଓ୍ବାଶ୍ କରାଯାଇ ଜେହାଦୀ କରାଯାଉଥିବା ଭାରତୀୟ ଗୋଇନ୍ଦା ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି। ପରବର୍ତ୍ତୀ ସମୟରେ ଜେଲ୍ରୁ ମୁକୁଳିଲା ପରେ ସମ୍ପୃକ୍ତ ଯୁବକମାନେ ବିଭିନ୍ନ ଆତଙ୍କବାଦୀ ସଂଗଠନରେ ସାମିଲ୍ ହେଉଥିବା ଗୋଇନ୍ଦା ବିଭାଗ ପକ୍ଷରୁ ପ୍ରକାଶ ପାଇଥିବା ଏହି ରିପୋର୍ଟରେ ଦର୍ଶାଯାଇଛି। ତେଣୁ ଆତଙ୍କବାଦୀଙ୍କ ପାଇଁ ପ୍ରତି ରାଜ୍ୟରେ ଅଧିକ ସୁରକ୍ଷା ବିଶିଷ୍ଟ ଜେଲ୍ ନିର୍ମାଣ ଉପରେ ଗୁରୁତ୍ୱାରୋପ କରାଯାଉଛି। ଏହାଦ୍ୱାରା ସାଧାରଣ କଏଦୀଙ୍କ ସହିତ ଆତଙ୍କବାଦୀଙ୍କ ମିଳାମିଶାକୁ ରୋକା ଯାଇପାରିବ ବୋଲି କୁହାଯାଉଛି। ଆତଙ୍କବାଦୀଙ୍କୁ ଅଲଗା ରଖିବା ଲାଗି ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ପ୍ରତି ରାଜ୍ୟର ପୋଲିସ ବିଭାଗକୁ ନିର୍ଦ୍ଦେଶ ଜାରି କରାଯାଇଛି।