ଟୋକିଓ,୬।୧୦ (ଏଏଫ୍ପି)- ବିଶ୍ୱର ନଂ ୧ ପୁରୁଷ ସିଙ୍ଗଲ୍ସ ଖେଳାଳି ନୋଭାକ ଜୋକୋଭିଚ୍ ପ୍ରଥମ ଥର ପାଇଁ ଜାପାନ ଓପନ ଟାଇଟଲ ଜିତିଛନ୍ତି। ରବିବାର ଖେଳାଯାଇଥିବା ଫାଇନାଲରେ ଜୋକୋଭିଚ୍ ୬-୩, ୬-୨ ସେଟ୍ରେ ଅଷ୍ଟ୍ରେଲିଆର ଜନ ମିଲମ୍ୟାନଙ୍କୁ ହରାଇ ଦେଇଛନ୍ତି। ସର୍ବିଆ ଖେଳାଳି ମ୍ୟାଚ୍କୁ ମାତ୍ର ଏକ ଘଣ୍ଟା ୯ ମିନିଟ୍ରେ ଜିତି ନେଇଥିଲା। ଏହି ଟୁର୍ନାମେଣ୍ଟରେ ଜୋକୋଭିଚ୍ ଗୋଟିଏ ହେଲେ ସେଟ୍ ହାରି ନାହାନ୍ତି। ୩୨ ବର୍ଷୀୟ ଷ୍ଟାରଙ୍କ ଲାଗି ଏହା କ୍ୟାରିୟରର ୭୬ତମ ଟାଇଟଲ। ଉଲ୍ଲେଖଥାଉ କି, ଜୋକୋଭିଚ୍ ଆହତ ସମସ୍ୟା ଯୋଗୁ ୟୁଏସ୍ ଓପନ ୪ର୍ଥ ରାଉଣ୍ଡରୁ ଓହରିଯାଇଥିଲେ।