ପ୍ୟାରିସ, ୭ା୬-ସର୍ବିୟାର ନୋଭାକ ଜୋକୋଭିଚ୍ ଫ୍ରେଞ୍ଚ ଓପନ୍ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର ପୁରୁଷ ସେମିଫାଇନାଲରେ ପ୍ରବେଶ କରିଛନ୍ତି। ଜୋକୋଭିଚ୍ ୨୦୧୬ ପରେ ପ୍ରଥମ ଥର ଫ୍ରେଞ୍ଚ୍ ଓପନ ସେମିଫାଇନାଲରେ ପ୍ରବେଶ କରିଛନ୍ତି। ସର୍ବିୟାର ଏହି ୩୨ବର୍ଷୀୟ ଖେଳାଳି ବର୍ଷାରେ ବିଳମ୍ବିତ ଏକ କ୍ୱାର୍ଟରଫାଇନାଲରେ ୫ମ ସିଡ୍ ତଥା ଜର୍ମାନୀର ଆଲେକ୍ଜାଣ୍ଡର ଜେଭରେଭଙ୍କୁ ୭-୫, ୬-୨, ୬-୨ ସେଟ୍ରେ ହରାଇ ଦେଇଛନ୍ତି। ୧୫ ଥର ଗ୍ରାଣ୍ଡସ୍ଲାମ ଚାମ୍ପିୟନ ସେମିଫାଇନାଲରେ ଡେମିନିକ୍ ଥିମ୍ଙ୍କୁ ଭେଟିବେ। ଗତବର୍ଷ ଫାଇନାଲରେ ପରାଜିତ ଥିମ୍ ୧୦ମ ସିଡ୍ ତଥା ରୁଷିଆର କାରେନ ଖାଚାନେଭାଙ୍କ ବିପକ୍ଷରେ ୬-୨, ୬-୪, ୬-୨ ସେଟ୍ରେ ବିଜୟ ହାସଲ ସହ ସେମିଫାଇନାଲକୁ ଉନ୍ନୀତ ହୋଇଛନ୍ତି।
