ଦକ୍ଷିଣ ଆଫ୍ରିକାର ପୂର୍ବତନ ଅଲରାଉଣ୍ଡର ଜ୍ୟାକ୍ କାଲିଲ ନିଜ ସୋସିଆଲ ଆକାଉଣ୍ଟରେ ଏକ ଫଟୋ ଛାଡିଛନ୍ତି। ଯାହାକୁ ନେଇ ଏବେ ଜୋରଦାର ଚର୍ଚ୍ଚା ଚାଲିଛି। ଏହି ଫଟୋରେ ସେ ଗୋଟିଏ ପାର୍ଶ୍ୱ ନିଶ କାଟିଥିବା ଦେଖାଯାଉଛି। କିନ୍ତୁ ଏହା ପଛରେ ଏକ ବଡ କାରଣ ଲୁଚି ରହିଛି। ସେ ଏକ ଭଲ କାମ ପାଇଁ ଏଭଳି ନିଶ କାଟିଥିବା କହିଛନ୍ତି। ସେ ନିଜ ଦେଶରେ ଗଲ୍ଫର ବିକାଶ ଏବଂ ଗଣ୍ଢାଙ୍କ ସଂରକ୍ଷଣ କରିବାକୁ ଚାହୁଁଛନ୍ତି। ଏଥିପାଇଁ ଟଙ୍କାର ଆବଶ୍ୟକତା ଥିବାରୁ ସେ ଏଭଳି ପଦକ୍ଷେପ ନେଇଥିବା କହିଛନ୍ତି। କାଲିସଙ୍କ ଏହି ପ୍ରୟାସକୁ ୟୁଜର୍ସ ଖୁବ୍ ପ୍ରଶଂସା କରିଛନ୍ତି। ୧୯୯୫ରେ କ୍ରିକେଟରେ ଡେବ୍ୟୁ କରିଥିବା କାଲିସ ୨୦୧୪ରେ ସନ୍ୟାସ ନେଇଥିଲେ। ସେ ୧୬୬ଟି ଟେଷ୍ଟ ଖେଳି ୫୫.୩୭ ହାରରେ ୧୩,୨୮୯ ରନ୍ କରିଛନ୍ତି। ସେହିପରି ୩୨୮ଟି ଏକଦିବସୀୟ ମ୍ୟାଚ୍ ଖେଳି ୪୪.୩୬ ହାରରେ ୧୧,୫୭୯ ଏବଂ ୨୫ଟି ଟି-୨୦ରୁ ୬୬୬ ରନ୍ ସ୍କୋର କରିଛନ୍ତି। କେବଳ ବ୍ୟାଟିଂରେ ନୁହେଁ ବୋଲିଂରେ ମଧ୍ୟ ସେ କମାଲ କରିଛନ୍ତି। ଟେଷ୍ଟ, ଏକଦିବସୀୟ ସେ ଯଥାକ୍ରମେ ୨୯୨ ଏବଂ ୨୭୩ଟି ଉଇକେଟ୍ ନେଇଛନ୍ତି।