ଜୟପୁର,୨୩ା୫(ଡି.ଏନ୍.ଏ.): ୨୦୧୯ ସାଧାରଣ ନିର୍ବାଚନର ଫଳାଫଳ ପାଇଁ ଗୁରୁବାର ସମଗ୍ର ରାଜ୍ୟରେ ଭୋଟ ଗଣତି ହେଉଛି। ଏନେଇ ସମସ୍ତ ଷ୍ଟ୍ରଙ୍ଗ୍ରୁମ ପାଖରେ ସାଧାରଣ ଲୋକଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ଭିଡ଼ ଜମିଥିବାବେଳେ ଏଥିରୁ ପ୍ରାର୍ଥୀ ମଧ୍ୟ ବାଦ୍ ପଡ଼ିନାହାନ୍ତି। କୋରାପୁଟ ଜିଲା ଜୟପୁର ଏବଂ କୋଟପାଡ଼ ବିଧାନସଭା ଆସନ ସହ କୋରାପୁଟ ଓ ନବରଙ୍ଗପୁର ଏମ୍ପି ପ୍ରାର୍ଥୀଙ୍କ ଭୋଟ ଗଣତି ପାଇଁ ଜୟପୁର ବିକ୍ରମ ଦେ କଲେଜରେ କଡ଼ା ସୁରକ୍ଷା ବଳୟରେ ଭୋଟ ଗଣତି ଆରମ୍ଭ ହୋଇଛି। ସୁରକ୍ଷା ପାଇଁ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ହିମାଂଶୁ ଲାଲ ମଧ୍ୟ ପହଞ୍ଚି ସମସ୍ତ ସୁରକ୍ଷାର ତଦାରଖ କରୁଛନ୍ତି।