ପାଟନା, ୪ା୮ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି ସିଜନ-୭ରେ ଶନିବାର ଖେଳାଯାଇଥିବା ମ୍ୟାଚରେ ଜୟପୁର ପିଙ୍କ୍ ପାନ୍ଥର୍ସ ବିଜୟ ଲାଭ କରିଛି। ଦଳ ୩୪-୨୧ରେ ପାଟନା ପାଇରେଟ୍ସକୁ ପରାସ୍ତ କରିଛି। ମ୍ୟାଚରେ ସନ୍ଦୀପ ଧୂଲ ଏବଂ ଅମିତ ହୁଦାଙ୍କ ନେତୃତ୍ୱରେ ପିଙ୍କ୍ ପାନ୍ଥର୍ସ ଡିଫେନ୍ସ ପାଟନା ଦଳର ବିପଜ୍ଜନକ ଖେଳାଳି ପ୍ରଦୀପ ନରଓ୍ବାଲଙ୍କୁ ରୋକିବାରେ ବିଶେଷ ଭୂମିକା ଗ୍ରହଣ କରିଥିଲେ। ନରଓ୍ବାଲ ପାଟନା ଦଳର ଟପ୍ ସ୍କୋରର ଥିଲେ। ସେ ୯ ପଏଣ୍ଟ ସ୍କୋର କରିଥିଲେ। ଜୟପୁର ପିଙ୍କ୍ ପାନ୍ଥର୍ସ ପକ୍ଷରୁ ସନ୍ଦୀପ ଧୂଲ ୮ ଟାକଲ ପଏଣ୍ଟ ସ୍କୋର କରିଥିବାବେଳେ ଦୀପକ ନରଓ୍ବାଲ ୮ ରେଡ୍ ପଏଣ୍ଟ ସ୍କୋର କରିଥିଲେ।