ଚେନ୍ନାଇ,୨୪।୨: ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତା ଜେ. ଜୟଲଲିଥାଙ୍କ ୭୨ତମ ଜନ୍ମଦିନରେ ମନ୍ତ୍ରୀ ଡି.ଜୟକୁମାର ଆର୍ଏସ୍ଆର୍ଏମ୍ ସରକାରୀ ହସ୍ପିଟାଲରେ ଜନ୍ମିତ ନବଜାତକଙ୍କୁ ସୋମବାର ସୁନାମୁଦି ଉପହାର ଦେଇଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କେ.ପଲାନିସ୍ବାମୀ ଓ ଉପ ମୁଖ୍ୟମନ୍ତ୍ରୀ ଓ ପନିରସେଲଭମ ରାଜ୍ୟ ସଚିବାଳୟ ନିକଟରେ ବୃକ୍ଷରୋପଣ କରି ପୂର୍ବତନ ମୁଖ୍ୟମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ସୂଚନାଯୋଗ୍ୟ, ଫେବୃୟାରୀ ୨୪ ନାରୀ ଓ ଶିଶୁ ସୁରକ୍ଷା ଦିବସ ହୋଇଥିବାରୁ ଏହି ଦିନକୁ ଜୟଲଲିଥାଙ୍କ ଜନ୍ମଦିବସ ଭାବେ ପାଳନ କରିବାକୁ ନିକଟରେ ପଲାନିସ୍ବାମୀ ଘୋଷଣା କରିଥିଲେ। କେବଳ ଏତିକି ନୁହେଁ ଏହି ଅବସରରେ ଅନ୍ୟ କେତେ ଗୁଡିଏ ଯୋଜନା ମଧ୍ୟ ଘୋଷଣା କରାଯାଇଛି।
