ନୂଆଦିଲ୍ଲୀ,୨୬।୭: ନିଜର ବିବାଦୀୟ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ରାଜ୍ୟସଭା ଏମ୍ପି ଅମର ସିଂ ଏଥର ପୁଣି ଆସିଛନ୍ତି ଚର୍ଚ୍ଚାକୁ। ଏଥିର ସେ ବଲିଉଡ୍ ଅଭିନେତ୍ରୀ ତଥା ଏମ୍ପି ଜୟା ବଚ୍ଚନକୁ ଟାର୍ଗେଟ କରିଛନ୍ତି। ଟୁଇଟରରେ ସେ ଏକ ଭିଡିଓ ଅପଲୋଡ କରି ବଚ୍ଚନ ପରିବାକୁ ନେଇ ଏମିତି କିଛି କଥା ଲେଖିଛନ୍ତି ଯାହା ଏବେ ଚର୍ଚ୍ଚାର ପରିସରକୁ ଆସିଛି। ମୁଖ୍ୟତଃ ସେ ଜୟା ବଚ୍ଚନ ତାଙ୍କ ସ୍ବାମୀ ଅମିତାଭ ବଚ୍ଚନ ଓ ପୁଅ ଅଭିଷେକଙ୍କ ଉଦ୍ଦେଶ୍ୟରେ ଏହି ଭିଡିଓଟି ଅପଲୋଡ କରିଛନ୍ତି। ଅମର କହିଛନ୍ତି ଜୟା ଯେତେବେଳେ କହୁଥିଲେ କି ଯାନ୍ତ୍ରୀକ ଆନ୍ଦୋଳନକୁ ଅଟକାଇ ହେବ ନାହିଁ। ଏହା ବ୍ୟତିତ ଟେଲିଭିଜନରେ ଯଦି ଅଶ୍ଳିଳ ଦୃଶ୍ୟ ଦେଖାଯାଉଛି ତେବେ ରିମୋଟ୍ ଆମ ହାତରେ ଅଛି ସୁଇଚ୍ ଦବାଇଲେ ସବୁ ଠିକ୍ ହୋଇଯିବ। ଏହାକୁ ନେଇ ଅମର ପୁଣି କହିଛନ୍ତି, ଜୟା ଜଣେ ମା’, ସ୍ତ୍ରୀ ସାମାଜିକ ରିମୋଟ ତ ତାଙ୍କ ହାତରେ ଅଛି ତେଣୁ ସେ ତାଙ୍କ ସ୍ବାମୀଙ୍କୁ କୁହନ୍ତୁ ଯେ ସେ ଜୁମା ଚୁମା ଦେ ଦେ ନ କରନ୍ତୁ। ସେହିପରି ବର୍ଷାରେ ଭିଜିଥିବା ନାୟିକାଙ୍କ ସହ ମିଶି ଆଜ ରପଟ ଯାୟିତୋ ନ କରନ୍ତୁ। ସେମିତି ପୁତ୍ରବଧୂଙ୍କୁ କୁହନ୍ତୁ ‘ୟେ ଦିଲ ହୈ ମୁସକିଲ’ରେ ସେ ଦେଇଥିବା ଦୃଶ୍ୟ ଆଉ ନ କରନ୍ତୁ। ତେଣୁ ସବୁକୁ ଦେଖି ଯୁବପିଢିଙ୍କ ଉପରେ କ’ଣ ପ୍ରଭାବ ପଡିବ ବୋଲି ଅମର ପ୍ରଶ୍ନ କରିଛନ୍ତି।