ଦିଗପହଣ୍ଡି,୨୫।୫(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ପୋଲିସ ଶନିବାର ଝାଟିପିଟିଆ ଗ୍ରାମରେ ବେଆଇନ ଭାବେ ମଦ ବିକ୍ରି କରାଯାଉଥିବା ଅଭିଯୋଗରେ ଶନିବାର ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତ ହେଲେ ଗ୍ରାମର ଭଲା ସାହୁ। ସୂଚନାନୁଯାୟୀ, ଥାନା ଏସ୍ଆଇ ମଧୁସ୍ମିତା ପ୍ରଧାନ ଶୁକ୍ରବାର ସନ୍ଧ୍ୟାରେ ଗ୍ରାମରେ ସଦଳବଳେ ଚଢ଼ାଉ କରିଥିଲେ। ଭଲାଙ୍କ ତେଜରାତି ଦୋକାନରୁ ୨୦ଟି ଦେଶୀମଦ ପାଉଚ ଜବତ କରାଯାଇଥିଲା। ଏ ନେଇ ଥାନାରେ ମାମଲା ନଂ(୯୮/୧୯) ରୁଜୁ କରାଯାଇଥିବା ଜଣାପଡ଼ିଛି।