ରାଞ୍ଚି,୨୪।୧୨: ଝାଡ଼ଖଣ୍ଡ ବିଧାନସଭା ନିର୍ବାଚନ ଫଳାଫଳ ଘୋଷଣା ହୋଇଛି। ରାଜ୍ୟର ୮୧ ନୂଆ ବିଧାୟକଙ୍କ ମଧ୍ୟରେ ୫୭ ଜଣ କୋଟିପତି ରହିଛନ୍ତି। ସେହିପରି ୪୩ ଜଣଙ୍କ ବିରୋଧରେ ଆପରାଧୀକ ମାମଲା ରହିଛି। ନିର୍ବାଚନ ସମୟରେ ସେମାନଙ୍କ ଦ୍ୱାରା ଦାଖଲ ହୋଇଥିବା ସତ୍ୟପାଠରୁ ଏହା ଜଣାପଡ଼ିଛି। ଭାଜପାର ୧୮ କୋଟିପତି ବିଧାୟକ ଥିବାବେଳେ ଜେଏମ୍ଏମ୍ର ୨୫, କଂଗ୍ରେସର ୮, ଜେଭିଏମ୍ର ୩ ଏବଂ ୩ ନିର୍ଦ୍ଦଳୀୟ କୋଟିପତି ବିଧାୟକ ରହିଛନ୍ତି। କଂଗ୍ରେସର ଡ. ରାମେଶ୍ୱର ଓରାନଙ୍କ ପାଖରେ ସର୍ବାଧିକ ୨୮ କୋଟି ସମ୍ପତ୍ତି ରହିଛି। ଭାଜପାର ୧୨ ବିଧାୟକଙ୍କ ବିରୋଧରେ ଆପରାଧୀକ ମାମଲା ଥିବାବେଳେ ଜେଏମ୍ଏମ୍ର ୧୭, କଂଗ୍ରେସର ୮, ଜେଭିଏମ୍ର ୩ ଏବଂ ୩ ନିର୍ଦ୍ଦଳୀୟ ବିଧାୟକଙ୍କ ନାମରେ ମାମଲା ରହିଛି। ଜେଭିଏମ୍ ବିଧାୟକ ପ୍ରଦୀପ ଯାଦବଙ୍କ ବିରୋଧରେ ସର୍ବାଧିକ ୧୪ ଆପରାଧୀକ ମାମଲା ରହିଛି। ୨୦୧୪ରେ କୋଟିପତି ବିଧାୟକଙ୍କ ସଂଖ୍ୟା ୪୯ ଥିଲା। ସେହିପରି ୪୯ ବିଧାୟକଙ୍କ ବିରୋଧରେ ଆପରାଧୀକ ମାମଲା ରହିଥିଲା।